Mar de Japon

La mar de Japon o mar de l'Èst^[1][2] es una mar situada a l'oèst de l'ocean Pacific, enrodada a l'èst per las illas Japonesas d'Hokkaidō, Honshū e Kyūshū, a l'oèst per la peninsula coreana, e al nòrd per Russia e las illas Sakhalin.

mar de Japon / mar de l'Èst Sea of Japan 日本海 (japonés) 조선동해 (corean del Nòrd) 동해 (corean del Sud) Япо́нское мо́ре (rus)
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Mapa de la Mar de Japon
Caracteristicas
Superficia	978 000 km²
Pregondor  - Maximala  - Mejana	3 742 m 1 752 m
Tipe	Mar bordièra
Geografia
Localizacion	Ocean Pacific oèst
Païses ribairencs	Corèa del Nòrd, Corèa del Sud, Japon, Russia
Subdivisions

La mar es religada a d'autras mars per sièis estreches paucs prigonds :

• l'estrech de Tartaria (o estrech de Mamiya) entre lo continent asiatic e las illas Sakhalin, la religa a la mar d'Okhotsk ;
• l'estrech de La Perosa (o estrech de Soya) entre las illas de Sakhalin e Hokkaidō, la religa a la mar d'Okhotsk ;
• l'estrech de Tsugaru entre las illas de Hokkaidō e Honshū, la religa a l'ocean Pacific ;
• l'estrech de Kanmon entre las illas de Honshū e Kyūshū, la religa a la mar interior de Seto ;
• l'estrech de Tsushima entre las illas de Kyūshū e Tsushima, la religa a l'ocean Pacific ;
• l'estrech de Corèa (estrech de Tsushima) entre las illas de Kyûshû e la peninsula coreana, la religa a la mar de China Orientala et a l'estrech de Jeju.
• L'estrech de Jeju entre la peninsula coreana e illas Jeju, la religa a la mar Jauna.

Lo punt mai prigond es de 3742 m jol nivèl de la mar; la fonsor mejana es de 1752 m. La superficia de la mar es d'a pauc près 978 000 km². La mar a tres bacins principals : lo bacin de Yamato situat al sud-èst de la mar de Japon ; lo bacin de Japon al nòrd ; lo bacin de Tsushima al sud-oèst. Lo bacin de Japon es la region pus prigonda de la mar, alara que las aigas mens prigondas se tròban dins lo bacin de Tsushima.

Suls ribatges orientals, los platèus continentals de la mar son largs, mas suls ribatges occidentals, al long de la còsta coreana, son estreches, amb en mejana 30 km de larg. L'aiga cauda de la mar contribuís al clima doç de Japon.

Lo nòrd e lo sud-èst de la mar son los sectors mai rics per la pesca. L'importància de la pesca en mar es plan illustrada per las reclamacions mutualas sus Takeshima / Dokdo per Japon e la Corèa del Sud. La mar es tanben importanta per sos minerals, l'arena de magnetita, son gas natural e lo petròli.

Bregas sul nom

En Corèa del Sud, aquela mar es nomenada la "Donghae" (동해; 東海, mar orientala, ou "mar de l'Èst" ) e en Corèa del Nòrd, la "Joseon Donghae" (조선동해; 朝鮮東海, ou "mar Orientala de Corèa" ). Dins los autres païses, es nomenada la "mar de Japon". En japonés, Nihonkai (日本海), en chinés Rìběnhǎi (日本海) e en rus Iaponskoie more (Япо́нское мо́ре). E mai aquesta apelacion siá contestada per las doas Corèas, la "mar de Japon" es lo nom oficial retengut per l'Organizacion Idrografica Internacionala en 1928 e per l'Organizacion de las Nacions Unidas.

Dins lo passat, s'es apelada indistintament "mar de l'Èst", "mar de Corèa", "mar de Japon" e "mar Orientala". A partir del sègle XIX l'apelacion de "mar de Japon" es devenguda predominanta sus las mapas geograficas.

Dempuèi los ans 1990, Corèa, encara fòrça patacada per l'imperialisme japonés, milita per far remplaçar l'apelacion de "mar de Japon" per lo tèrme de "mar de l'Èst". De notar que dins mantuna lenga europèa, es la mar Baltica qu'es sonada "mar de l'Èst" (Ostsee en alemand, Oostzee en neerlandés, etc.).