Miègjorn (culminacion)

Miègjorn es l'ora ont lo solelh es lo mai naut dins lo cèl (culminacion) e ont l'ombra d'un objècte es donc la mai corta: indica precisament lo sud (dins l'emisfèri nòrd) o l nòrd (dins l'emisfèri sud), fòra de las zonas equatorialas compresas entre ambedos tropics.

Miègjorn e 12h00 coïncidisson pas en un luòc donat perque:

• l'ora del Solelh avança o retarda tot lo long de l'an fins a 16 minutas al respècte d'una ora mejana regulara (cf. Equacion del temps) ;
• l'ora del relòtge es una ora civila qu'es en vigor dins la totalitat d'un país o d'un territòri pel sistèma dels Fus oraris, alara que l'ora del Solelh es locala e depend de la longitud de l'observator;
• la mesa en plaça de l'ora d'estiu per estalivar d'energia.

Vejatz tanben

• Quadran solar