Michael Jackson

Michael Joseph Jackson (prononciat: [ˈmaɪkəl ˈdʒæksən]) (Gary, Indiana, 29 d'agost de 1958 – Los Angeles, Califòrnia, 25 de junh de 2009) foguèt un famós cantaire, compositor e productor afroamerican de pop.

Pels articles omonims, vejatz Jackson.

Michael Jackson pendent un concèrt en 1988

A l'origina, quand èra pichon, cantava ambe lo grop compausat ambe sos fraires, los Jackson 5 : lor musica (la del grop The Jackson 5 o la dels primièrs albums solòs de Michael Jackson) èra alavetz de pop barrejada d'influéncias soul e disco (Don't Stop 'Til You Get Enough) ; pasmens, Michael Jackson s'es dobèrt a partir de las annadas 1980 a d'autres estilis, lo rock e lo hip-hop per exemple.

Es considerat coma l'artista musical mai famós de totes los temps pel Libre Guinness dels Recòrds, e a agut una influéncia considerabla sus la musica pop occidentala de las annadas 1980 e 1990, en particular sul l'espelida del genre dich RnB contemporanèu aparegut a-n'aquesta periòda. Son album Thriller, publicat a la fin de l'annada de 1982, es l'album mai vendut de l'istòria de la musica : es en particular la capitada d'aqueste album ambe los tubes mondials Billie Jean, Beat it e Thriller qu'a fach de Michael Jackson una legenda e una referéncia incontornabla de la musica pop occidentala.

Discografia

• Got to Be There (1972)
• Ben (1972)
• Music and Me (1973)
• Forever, Michael (1975)
• Off the Wall (1979)
• Thriller (1982)
• Bad (1987)
• Dangerous (1991)
• HIStory – Past, Present, and Future: Book 1 (1995)
• Blood on the Dance Floor – HIStory in the Mix (1997)
• Invincible (2001)