Milli Vanilli

Milli Vanilli èra una projècte musical pop anglofòn lançat a la fin de las annadas 1980 per l'Alemand Frank Farian (lo productor de Boney M) que foguèt fòrça popular fins en 1990 dins la majoritat dels païses occidentals tre lor primièr 45 torns Girl you know is true, n°1 en Alemanha, n°2 als Estats Units e en França fin 1988.

L'Alemand (Afro-american per son paire) Robert Pilatus, l'un dels dos sòcis a l'imatge de Milli Vanilli

Lo Francés Fabrice Morvan, l'un dels dos sòcis a l'imatge de Milli Vanilli

L'Allemand Frank Farian, lo productor de Milli Vanilli

Projècte musical estúdio, los diferents cantaires, rapaires e coristas de Milli Vanilli èran Charles Shaw (en particular sus Girl you know is true), Brad Howell, John Davis, Linda Rocco e Jodie Rocco.

Pasmens, lo fach que Fabrice Morvan e Robert Pilatus, los dos gojats illustrant sus scèna e dins las videos lo projècte Milli Vanilli, sián pas los vertadièrs cantaires coma lor mesa endavant o poiriá daissar supausar, a provocat un gròs escandal als Estats Units en 1990, escandal que los a descreditat e afectat negativament sus las vendas de lor segond album publicat aquesta annada. En realitat, lo playback e al sens larg lo lip sync (la sincronizacion labiala) es çaquelà causa coneguda, una practica plan correnta e generalament acceptada dins lo mestièr de l'espectacle : èra jà tanben lo cas de nombroses artistas pop e disco de las annadas 1970 e 1980 coma Boney M, Den Harrow, Baltimora, Moon Ray, Valerie Dore etc. Foguèron de circonstàncias particularas qu'an generat d'escandals coma dins lo cas de Milli Vanilli, o abans eles Plastic Bertrand.

Frank Farian temptarà de produire en 1998 un album novèl de Milli Vanilli, ambe aqueste còp al cant Fabrice Morvan e Robert Pilatus per far calar las criticas a l'origina de l'escandal de 1990 ; mas Robert Pilatus defuntèt a Francfòrt de Men lo 2 d'abril de 1998 abans la quita publicacion del dich album : sa mòrt botèt un tèrme definitiu al projècte Milli Vanilli.