Païses Arabis

Los Païses Arabis (var. Païses Arabs, País Arabis), nomenats tanben lo Mond Arabi, son l'ensems dels païses ont l'arabi es la lenga dominanta. Se situan en Africa e en Asia. Resultan de l'espandiment de la lenga aràbia e del pòble arabi que son originaris d'Arabia.

Mapa dels Païses Arabis. En verd encre: zonas ont l'arabi es la lenga tradicionala. En verd clar: zonas principalas ont i a de minoritats lingüisticas.

Païses ont l'arabi es lenga oficiala

bandièra de la Liga aràbia

Lo gentilici es arabi aràbia.

Los estats ont l'arabi es la lenga dominanta o majoritària son, de l'oèst a l'èst: Mauritània, lo Sahara Occidental, Marròc, Argeria, Tunisia, Libia, Egipte, Sodan, Palestina, Jordania, Liban, Siria, Iraq, Kowait, l'Arabia Saudita, Bahrayn, Qatar, los Emirats Arabis Units, Oman e Iemèn.

En Israèl, l'arabi es cooficial amb l'ebrieu.

Qualques estats an adoptat l'arabi coma lenga oficiala o cooficiala, e mai se l'arabi i es pas la lenga tradicionala de la majoritat de la populacion: son Chad, Eritrèa, Jiboti, Somalia e las Comòras.

A Malta se parla lo maltés, qu'es una lenga per elaboracion venent de l'arabi.

Vejatz tanben

• Liga Aràbia
• Arabia
• Magrèb
• Mashrèc