Montastruc e La Conselhièra

Montastruc e La Conselhièra^{[1],[2],[3],[4]} (Montastruc-la-Conseillère en francés) es una comuna lengadociana del departament francés de la Nauta Garona en region d'Occitània, ancianament de Miègjorn-Pirenèus.

Pels articles omonims, vejatz Montastruc (omonimia).

Vila d'Occitània

Montastruc e La Conselhièra Montastruc-la-Conseillère
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Castèl de la Conselhièra.
Armas
Geografia fisica
Coordenadas	43° 43′ 06″ N, 1° 35′ 28″ E
Superfícia	15,49 km²
Altituds  · Maximala  · Mejana  · Minimala	242 m 236 m 143 m
Geografia politica
País	Lengadòc
Parçan	Tolosan
Estat	França
Region 76	Occitània
Departament 31	Nauta Garona
Arrondiment 313	Tolosa
Canton 3119	Puègbonieu (caplòc del canton de Montastruc e la Conselhièra abans 2015)
Intercom 243100732	CC dels Costals de Giron
Cònsol	Jean-Baptiste Capel (2020-2026)
Geografia umana
Populacion Populacion totala (2018)	3 503 ab. Evolucion de la populacion 3 602 ab.
Densitat	209,43 ab./km²
Autras informacions
Gentilici	Montastrucois, Montastrucoises (en francés)
Còde postal	31380
Còde INSEE	31358

Geografia

Anciana bastida situada a una vintena de quilomètres de Tolosa.

Mapa de la comuna e de las comunas vesinas.

Accès

• Per la rota nacionala 88
• Per l'autota A68 sortida 03

Perimètre del territòri

Comunas confrontantas de Montastruc e La Conselhièra

Paulhac	Gemilh	Ròcacerièra
		Montpitòl
Garidèit	Granhaga	Sent Joan de L'Èrm

Toponimia

Dauzat e Rostaing pensan que lo nom ven del latin mons [montem] e d'un nom de persona, Astruc ^[5].
Le nom es atestat en latin Montemastrutz en 1241, mes Ramon Corrasa fornís una fòrma occitana de 1428, Montastruc^[6]. Ambe mont, segon d'autres autors, le determinant es puslèu un epitèt, « urós, nascut jos de bons astres » e per consequent plan situat^[7],[8],[9], per tal de ganhar la prosperitat e escapar als enemics.

Istòria

L'origina probabla de Montastruc remonta entre lo sègle XI e XII, periòde d'eissarts e d'acreissement de la populacion en País tolosenc.

Fondada en 1242 per Sicard Alaman, senhor de la comuna que ne faguèt una bastida. Aital, Montastruc venguèt una pichona plaça fòrta, ponch estrategic important entre Albigés e Tolosenc. Son creator foguèt Conselhièr e Lòctenent del Comte de Tolosa Raimon VII. Ça que la, la fertilitat de son sòl produsent de blat, de vin e mai en abondància atrasiá las cobejanças de las armadas en operacion.

A partir de 1270, foguèt jos la dependéncia dirècta del rei de França. En 1771, Loís XV de França la concediguèt al comte de Clarac. Aquel s'installèt al castèl de Buset, çò qu'enchiprèt la comunautat de Montastruc. Mai, le novèl senhor se faguèt exigent, volent profeitar de la vila, fins a vendre los comunals. Pr'aquò, la comunautat estèt contra le senhor. Aquel foguèt condemnat en 1786 a remborsar mai de 3000 liuras. Mas le jutjament foguèt pas executat.

Al sègle XVI, pendent las guèrras de religion, Montastruc foguèt assetjat dos còps. En 1570, la vila foguèt presa sens combat puèi ocupada per las tropas protestantas. Vint annadas pus tard, en mai de 1590, le duc de Juèsa (governador de Lengadòc) volguèt tornar prendre la vila qu'èra estada presa lo 5 per una tropa d'uganauds menada per Jacme de Verdiguièr senhor de Teulat.^[10] Le sètge durèt tres jorns. I aguèt 200 mòrts. La batalha foguèt terribla e les uganauds totis chaplats.

De l'Edat Mejana al sègle XVII, l'administracion comunala foguèt menada per de Cònsols. En 1692, Loís XIV promulguèt un edicte creant las cargas de maire e de lòctenent de maire dins tot lo reialme. Le primièr maire de Montastruc foguèt Jean Campagne. Le 18 de julhet de 1693 se crompèt la carga ereditària. En 1706 las vilas la poguèron tornar crompar, çò que faguèt Montastruc en 1718-1719.

Pendent l'Ancian Regime, Montastruc èra de la diocèsi civila de Tolosa, doncas de la província de Lengadòc, de la generalitat de Tolosa, de l'archidiocèsi de Tolosa e de la senescauciá de Tolosa. Le vocable de la glèisa es Sent Bertomiu. Tanlèu 1790, Montastruc èra caplòc de canton ^[11]. Oficialament, Montastruc venguèc Montastruc-la-Conseillère en 1891 ^[12].

Saint-Martin d'Escurcelles e Saint-Sernin d'Escurcelles (noms franceses) èran de parròquias de la diocèsi de Tolosa ^[13].

Les primièrs efièits de la Revolucion Francesa arribèron vèrs 1790. La noblesa locala perdèt sos privilègis fiscals. En junh de 1792, foguèt plantar l’arbre de la Libertat.

Istòria de La Conselhièra

Le Castèl de La Conselhièra, localizat sus la rota dels Birats, foguèt abitat pel Senhor d’Obrièr, Conselhièr al Parlament de Tolosa. La femna d'aquel Conselhièr, que la rumor disiá que n'èra pas gaire bèla, aviá comandat son retrait a un pintre conegut. La conselhièra refusèt le quadre qu'èra pas semblant, disiá ela. Lo pintre qu'èra pas d'acòrdi, expausèt le quadre a la botigòla que serviá de relai de diligéncias per que les viatjaires le veguèsson. Les passants reconeissián evidentament la femna del Conselhièr, s'exclamavan « La Conselhièra! » cada còp que passavan davant le retrait. Coma lo pintre refusèt de levar lo quadre, le Senhor d’Obrièr foguèt forçat de crompar aquel retrait per le far desparéisser…

Le nom de La Conselhièra foguèt apondut, per decision municipala, lo 16 d'agost de 1890 a Montastruc per lo distinguir de las comunas del departament amb le meteis nom.

Administracion

Lista dels cònsols successius

Periòde		Identitat	Etiqueta	Qualitat
julhet de 2020	(2026)	Jean-Baptiste Capel	sense	cap d'entrepresa
març de 2014	2020	Michel Anguille	UMP, LR	retirat de director de societat
març de 2008	2014	Jean-Louis Bourgeois	PS	expèrt comptable
març de 2001	2008	Michel Anguille	divèrs dreta, puèi UMP	director de societat
març de 1989	2001	André Laur	PS	Conselhièr general (1998-2015), retirat de l'aeronautica
març de 1983	1989	René Gay		resistent FFI
setembre de 1974	1983	Serge Valentin	PS
març de 1965	1974 (demission)	Henri Michel	PS	tecnician TPE, conselhièr general (1973-1974)
1944	1965	Marius Gineste		entrepreneire en bastiment, conselhièr general (1945-1949)
mai de 1935	1944	Guillaume Saint-Geniest		avocat a la Cort d'apelacion de Tolosa, nommat conseilhièr departemental en 1943
1919	1935	Charles Bellet	URD	doctor en dret e avocat, proprietari del castèl de La Valada, deputat (1919-1924), conseilhièr general (1914-1928)
1900	1919	Auguste Massol
	1900
Totas las donadas non son pas encara conegudas.

Demografia

modificar « persona »  v · d · m  Evolucion demografica Populacion comunala actuala (2013): 3244, totala: 3344
1793	1800	1806	1821	1831	1836	1841	1846	1851
819	902	900	1 109	1 135	1 042	1 073	1 055	1 113
1856	1861	1866	1872	1876	1881	1886	1891	1896
1 109	1 112	1 115	1 107	1 059	1 043	1 044	1 003	998
1901	1906	1911	1921	1926	1931	1936	1946	1954
992	924	917	800	805	823	803	878	909
1962	1968	1975	1982	1990	1999	2006	2007	2008
1 033	1 357	1 635	1 842	2 101	2 495	3 028	3 049	3 069 3 151
2009	2010
3 090 3 174	3 149 3 234
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

• En 2018 la populacion èra de 3503 abitants e la densitat èra de 226,15 ab/km².

Personalitats ligadas amb la comuna

Véser tanben

• Comunas de la Nauta Garona

Ligams extèrnes

• site de la vila de Montastruc e la Conselhièra