Mutazilisme

Lo mutazilisme es una brancha dispareissua de l'islam que se desvolopèt a partir del segle VIII en Mesopotamia. Sos tenents èran neutres dins lo conflicte entre Ali e sos adversaris. Adoptèron una teologia racionalista eissia de l'integracion dels principis de la filosofia grèga a l'islam. Los mutazilitas acordèron ansin una plaça importanta al liure arbitre e a l'interpretacion logica per trobar de respònsas a las questions religiosas. En parallele, refusèron l'antropomorfisme divin e l'idèa d'un Alcoran eternau e increat.

Lo mutazilisme foguèt fòrça influent al sen de l'eleit musulman entre los segles VIII e X. Plusors califas e sabents de l'Edat d'Aur de l'Islam èran ansin partisans del mutazilisme. Pasmens, lo movement se difusèt pauc dins las classas popularas. Se turtèc pereu a l'oposicion del clergat tradicionau. A partir dels segles XI e XII, coneissèt un lent declin en causa de l'adopcion d'un islam pus conservator dins mai d'una region. Dispareissèc a la fin de l'Edat Mejana, mas sos otís logics foguèron adoptats per la màger part dels autres corrents de l'islam. Uei, quauques movements assajan de tornar crear un mutazilisme moderne, mas aquelas temptativas demoran marginalas.

Ligams internes

• Islam.
• Racionalisme.

Bibliografia