Nòu Mexic
From Wikipedia, the free encyclopedia
Remove ads
Lo Nòu Mexic[3] (Nuevo México en espanhòl; New Mexico en anglés) es un estat dels Estats Units d'America. Fa frontièra amb Mexic al sud, Tèxas al sud-èst e a l'èst, Oklahoma al nòrd-oèst, Colorado al nòrd e Arizòna a l'oèst, en mai d'Utah, ponctualament al nòrd-oèst (Four Corners).
Remove ads
Remove ads
Amb 194 136 km², lo Nòu Mexic es lo cinquen estat dels Estats Units. La siá superfícia es accidentada, amb las pus nautas altituds dins las Montanhas Rocosas. Lo Rio Grande amb la siá val larga dividís l'estat del nòrd al sud. Estonan los païsatges desertics, las estranhas formacions rocosas, los bòsques de montanha e las nombrosas fonts termalas.
En general, l'economia del Nòu Mexic es tant divèrsa coma las siás fonts culturalas. Inclutz lo torisme, amb las siás galariás d'arts, estacions d'esqui e arquitectura coloniala. Compta tanben amb divèrsas industrias. Existís un important escambi comercial amb Mexic e una intensa e creissenta proliferacion de tecnologia a causa de la preséncia de laboratòris nacionals a Albuquerque e Los Alamos (Laboratòri Nacional de Los Álamos). Cal en mai soslinhar que lo Nòu Mexic es tanben un dels estats del país que produsís lo mai d'energia. En mai de l'agricultura irrigada dins la val del riu Grande, l'economia s'apieja tanben sus l'elevatge extensiu, l'extraccion minerala: urani (primièr sèti d'extraccion entre totes los estats), aur, argent, coire, potassa, petròli. Las industrias alimentàrias e las contruccions aeroespacialas son tanben de granda importància. Santa Fe atrai de nombroses visitaires cada an gràcias a la siá arquitectura coloniala.
Wikiwand - on
Seamless Wikipedia browsing. On steroids.
Remove ads