Nakajima Ki-84

Lo Nakajima Ki-84 Hayate es un caçaire monoplaça utilizat per lo Servici Aerian Imperiau Japonés d'abriu de 1943 a aost de 1945 durant la Segonda Guèrra Mondiala. Capable d'agantar de velocitats autas tot en gardant una manobrabilitat important, èra armat de dos canons de 30 mm e de dos canons de 20 mm. Aquò li permetiá de dispausar de la poissança de fuòc necessària per atacar e destrurre lei bombardiers estatsunidencs. Pasmens, se lei qualitats tecnicas de l'avion èran comparablas ai caçaires aliats pus poderós, la situacion economicas desfavorabla de Japon en 1943 entraïnèt una multiplicacion dei defauts de fabricacion. De mai, l'industria japonesa aviá de dificultats per produrre l'esséncia especiala necessària e lei fòrças aerianas imperialas mancavan de pilòts experimentats. Ansin, en despiech d'una produccion de 3 514 unitats, leis esquadrilhas de Ki-84 aguèron de dificultats per combatre leis avions aliats d'un biais eficaç.

Fotografia d'un Nakajima Ki-84 en octòbre de 1970.

Liames intèrnes

• Mitsubishi A6M.

Bibliografia

• (fr) Enzo Angelucci e Paolo Matricardi, Les avions, t. 4 : La Seconde Guerre mondiale - U.S.A., Japon, U.R.S.S., etc., Elsevier Sequoia, coll. « Multiguide aviation », 1978, pp. 176-177.