Numerian

Numerian (vèrs 253 - novembre de 284, vèrs Homs) foguèt un coemperaire roman que reinèt d'aost de 283 a novembre 284 ambé son paire Carus e son fraire Carin. Après la mòrt de son paire durant una campanha còntra lei Sassanidas, se retirèt de Mesopotamia vèrs Siria e moriguèt durant la retirada dins de circonstàncias mau conegudas (assassinat, malautiá...). Après sa mòrt, lo cap de sa garda personala, Dioclecian, foguèt proclamat emperaire e una guèrra civila acomencèt entre Carin e eu.