Ofici public de la lenga occitana

L’Ofici public de la lenga occitana (en francés Office public de la langue occitane; sigla ÒPLO) es un establiment public de cooperacion culturala creat lo 23 de setembre de 2015^[2],[3],[4]. Son domeni d'accion se limita a la cooperacion entre l'Estat francés e doas regions administrativas que son la Nòva Aquitània e la Region de Tolosa (dicha "region Occitània"). Agís pas dins las autras regions occitanas.

Ofici Public de la Lenga Occitana
Informacions generalas
Sigla	ÒPLO
Pais	França Nòva Aquitània Occitània (region administrativa)
Tipe	grop d'interès public
Fondacion	23 de setembre de 2015[1]
Organizacion
Presidenta	Charline Claveau-Abbadie
Primièr vicipresident	Patric Roux
Segonda vicipresidenta	Hélène Bernard
Efectius	9
Sèti	Tolosa
Lengas de trabalh	occitan, francés
Budget	a l'entorn de 2 millions de EUR.
site institucional

Missions

La tòca d’aquela estructura es d’assegurar, sul territòri que curbís, la salvagarda e lo desvolopament de la lenga occitana.

Tresena composicion

Segonda composicion (2016)

Après las fusions de regions e las eleccions regionalas, las regions signatàrias venon las doas regions grandas Aquitània Lemosin Peitau e Charantas e Lengadòc Rosselhon Miègjorn Pirenèus.^[5]

Los representants èran:

• per l’Estat, Hélène Bernard, rectritz de l’Acadèmia de Tolosa e Laurent Roturier, director regional dels afars culturals de Tolosa
• per la region Aquitània Lemosin Peitau e Charantas:
  • Charline Claveau Abbadie (PS, Pirenèus Atlantics), elegida presidenta lo 22 de març de 2016
  • Laurence Motoman (EELV, Lanas, nascuda au Mans)
  • Marc Oxibar (LR-CNPT, Pirenèus Atlantics)
• per la region Lengadòc Rosselhon Miègjorn Pirenèus:
  • Nadia Bakiri (PS, Nauta Garona)
  • Patric Rós (PÒc, Aude), elegit vicepresident lo 22 de març de 2016
  • Dominique Salomon (MRG, Tarn e Garona)

L'eleccion del burèu se faguèt lo 22 de març de 2016.

Primièra composicion (2015)

Lo primièr conselh d’administracion s’acampèt lo 12 de novembre de 2015 a Tolosa^[6] e nomenèt:

• president, representant de la region d’Aquitània, Dàvid Grosclaude, conselhièr regional;
• primièr vici-president, representant de la region Miègjorn-Pirenèus, Guilhèm Latrubesse, conselhièr regional;
• segonda vici-presidenta, representanta de l’estat, Hélène Bernard, rectritz de l’Acadèmia de Tolosa.

Estève Cròs foguèt recrutat coma director a partir del 1èr de genièr de 2016.