Oliva

L'oliva es lo fruch de l'olivièr. Botanicament es una drupa de pèl lisa, d'envolopa carnuda rica en matèria grassa contenent un clòsc força dur, ossós que dedins i a una grana, rarament doas. La seuna color d'en primièr es verda, puèi ven negra quand es madura.

Olivas sus una branca d'oliu

Olivada

La culhida de l'oliva se fa en espandir un ret jos l'arbre e en fasent tombar los fruchs dedins amb de pèrgas o de maquinas. La sason de l'olivada va de novembre fins a genièr, per las olivas destinadas a l'extraccion d'òli. La trolhada se fa al pus lèu, lo meteis jorn per tal d'evitar la fermentacion.

Utilizacion de l'oliva

Oliva de taula

Mantuna varietats d'olivas al mercat de Tolon

A l'excepcion de qualques varietats coma la Thrubolea grèga, se pòt pas consomar las olivas de taula sens tractament per ne levar l'amargor. Se pòt far sonque en las botant dins l'aiga e en cambiar l'aiga mantun còp o en las sometre a l'accion de l'idroxid de sòdi amb una fermentacion finala (sistèma espanhòl o sevilhan) o sens fermentacion (sistèma californian o occitan). Se manja sola o coma ingredient dins de recèptas nombrosas (tapenada o guit amb olivas...)

Òli d'oliva

L'utilizacion màger de l'oliva es per l'extraccion de l'òli considerat coma lo melhor dels òlis alimentaris.

Produccion mondiala

Suls autres projèctes Wikimèdia :

• oliva, sul Wikiccionari

País	Produccion (tonas)	Percentatge
Espanha	1 179 100	43,3 %
Itàlia	550 000	20,2 %
Grècia	367 000	13,5 %
Marròc	280 000	10,6 %
Turquia	180 000	6,6 %
Tunisia	120 000	4,4 %
Siria	60 000	2,2 %
Argeria	45 000	1,7 %
Portugal	29 000	1,1 %
Jordania	27 977	1,0 %
Argentina	10 000	0,37 %
Libia	6 800	0,25 %
Liban	5 300	0,19 %
Croàcia	4 500	0,17 %
França	4 000	0,15 %