Orals

Los Orals o los monts Orals (en rus: Ура́льские го́ры, tr. Uralskiye gory, AFI: [ʊˈralʲskʲɪjə ˈgorɨ]; en bashquir: Урал тауҙары, Ural tauźarı), son una cadena de montanhas que s'estend del nòrd al sud a travèrs l'oèst de Russia, de la còsta de l'ocean Artic fins al flume Oral e al nòrd-oèst de Cazacstan. La cadena de montanhas marca la frontièra convencionala entre Euròpa e de Asia. L'illa de Vaygach e las illas de Nòva Zembla forman un prolongament suplementari de la cadena cap al nòrd dins l'ocean Artic.

Pels articles omonims, vejatz Oral.

Mapa de Russia amb los Orals vesedors a l'oèst.

Las montanhas se trapan dins la region geografica d'Oral e cavalcan lo districte federal e la region economica del meteis nom. Tenon fòrça ressorsas naturalas, especialament des minerals metallics, de carbon e de pèiras preciosas . Dempuèi lo sègle XVIII, las montanhas an contribuïdas significativament al sector minièr de l'economia russa.