Ostal del Vièlh Rasim

L'Ostal del Vièlh Rasim, tanben nomenat Ostal Mainièr e Ostal dels Lasbòrdas se tròba a Tolosa, entre lo quartièr del Parlament e aquel de Sant Estève. Son nom ven d'una tavèrna de la carrièra qu'aviá una mirondèla amb un rasim^[1].

Faciada de l'ostal del Vièlh Rasim adobada en 2007

Aquel ostal data de 1518, e representa plan segur un dels mai bèls ostals de familha de l'epòca. Foguèt bastit per Berengièr Mainièr, professor de drech, senhor de Canac e de Gallice e capitol de 1515 a 1516, l'estil causit foguèt doncas lo d'aquel periòde, fortament influenciat per la Renaissença italiana. L'ostal foguèt completat qualques ans pus tard (1547) pel grafièr civil Jean Brunet segon los dessenhs del celèbre arquitècte de l'epòca de l'edat d'aur tolosenca: Nicolas Bachelier (autor entre autres del Pont Nòu, de l'Ostal d'Assezat).

Lo bastiment es monument istoric.