Pachamama

Pachamama es una divinitat sud-america liada a la cultura andina. Es la divessa-tèrra de mai d'una cultura de la region, compres leis Incas, e es sovent liada a de rites de fertilitat. Après l'arribada deis Espanhòus e l'imposicion dau cristianisme, son influéncia comencèt de demenir au profiech dau culte de la Verge. Pasmens, dispareguèt pas totalament e se mantenguèt au sen de certanei comunautats quíchoas e aimaras. Dempuei la fin dau sègle XX, son culte conoís una mena de resurgéncia sota l'influéncia de movements New Age que l'an adoptada au sen de son panteon.

Liames intèrnes

• Empèri Inca.

Bibliografia