Peis

Lo peis (var. peish, peisson) es un animal vertebrat aqüatic, qu'alena pel mejan de branquias. A de nadarèlas paras (pectoralas e pelvianas) e imparas (dorsala, caudala e anala). A sovent la pèl recobèrta d'escatas.

Pels articles omonims, vejatz peis (omonimia).

Anatomia extèrna d'un peis, lo Lampanyctodes hectoris:(1) - opercula , (2) - linha laterala, (3) - nadarèla dorsala, (4) - nadarèla adiposa, (5) - pedoncul caudal, (6) - nadarèla caudala, (7) - nadarèla anala, (8) - fotofòrs, (9) - nadarèlas pelvianas, (10) - nadarèlas pectoralas

Classificacion

Fins ara, se son repertoriadas mai de 27 300 espècias de peisses, çò que ne fa lo grop de vertebrats mai important. Çaquelà, aqueste grop es pas filogeneticament omogenèu perque compòrta tres classas :

• Chondrichthyes (o Peisses cartilaginoses)
• Osteichthyes (o Peisses ossoses)
• divèrses grops de peisses sens maissa (agnats) que demest eles se pòt citar las lampresas e las mixinas. Cal notar qu'uèi las mixinas son pas pus consideradas coma de vertebrats.

Vejatz tanben

Wikimedia Commons prepausa de documents multimèdia liures sus Espècias diferentas de peisses.

• Lista de peisses.
• Lista d'articles suls peisses.