Pica d'Estats
From Wikipedia, the free encyclopedia
Remove ads
La Pica d'Estats (en francés Pique d'Estats) es un somal dels Pirenèus situat sus la termièra entre França e Espanha; una part es dins lo departament d'Arièja e l'autra dins la comarca catalana de Palhars Sobeiran.
Remove ads
Amb sos 3143 mètres, es lo trescòl del massís del Montcalm, pasmens son ascencion es de bon far (escalada, glacièr).
Remove ads
Geografia
Topografia
Situada dins lo massís del Montcalm, al sud d'Ausat dins lo Vic de Sòs, la Pica d'Estats despassa lo pic del Montcalm d'aperaquí dètz mètres. Es lo trescòl del País de Fois (Arièja) e tanben de Catalonha.
Costat espanhòl susplomba l'Estany d'Estats e l'Estany de Sotllo dins lo Pargue Natural de l'Alt Pirineu. Confronta a l'oèst lo pic de Verdaguer (3 131 m) e a l'èst la punta Gabarró (3 115 m).
Lo pic se situa dins l'airal del Pargue Natural Regional dels Pirenèus Ariegeses[3].
Geologia
La Pica d'Estats es un somal granitic.
Clima
Malgrat l'altitud, possedís pauc de nevièrs.
Remove ads
Istoria
La primièra pujada de la Pica d'Estats la faguèron Henry Russell e Jean-Jacques Denjean en 1864.
Vias d'accès
Vista del trescòl dempuèi l'Estany d'Estats costat espanhòl.
Pas per montar.
Vista prèpa del trescòl dempuèi lo portet.
La montada pòt se far per mai d'un camins.
La via normala se fa pel refugi del Pinet en dos jorns, una jornada per la caminada d'aprochament fins al refugi. Lo segond jorn se fa l'ascencion.
Pel costat espanhòl l'ascencion se fa dempuèi l'Estany de Sotllo e l'Estany d'Estats. Cal caminar per un pas peirós fins a un portet.
Nòtas e referéncias
Vejatz tanben
Wikiwand - on
Seamless Wikipedia browsing. On steroids.
Remove ads