Plan Marshall

Lo Plan Marshall foguèt un plan estatsunidenc d'ajuda economica ai país d'Euròpa Occidentala organizat après la Segonda Guèrra Mondiala per lo generau George Marshall. Son objectiu èra lo redreiçament rapid deis economias dei país d'Euròpa Occidentala per limitar lei dificultats causadas per lei destruccions e l'influéncia dei Partits Comunistas locaus. Se leis estats comunistas foguèsson pas excluchs d'aqueu plan, lei condicions de contentar èran pas acceptablas per Moscó. Ansin, l'ajuda estatsunidenca foguèt solament acceptada per lei país sota influéncia de Washington. Foguèt un succès per leis Estatsunidencs car l'economia d'aquelei país se restaurèt rapidament e l'influéncia comunista limitada. En revènge, lo plan participèt a la formacion dau blòt de l'Oèst e a l'entraïnament de la Guèrra Freja.

Començament de la Guèrra Freja en Euròpa e país beneficiaris dau Plan Marshall.