Plan de Belha

Lo plan de Belha es un massís montanhós dels Pirenèus lengadocians situat dins lo departament d'Arièja. Es al sud de la valada d'Arièja entre Tarascon e Ax en dessús dels vilatges de Las Cabanas, d'Alvièrs e de Brèbe. L'accès rotièr al plan se fa per la rota (D 522) dempuèi Las Cabanas.

Plan de Belha cobèrt de nèu

Longtemps, aquel plan foguèt pas mai qu'un luòc d'estiva per las vacas. Es recentament vengut lo site d'una importanta estacion d'espòrts d'ivèrn dels Pirenèus, principalament per la practica de l'esquí de fons.

Tanben, pel plan de Belha passa lo carrairon GR 10 que travèrsa los Pirenèus d'èst cap a l'oèst.

Enfin, la montada de Las Cabanas fins al plan (16 km à 8 %) constituís sovent dempuèi 1998 l'arribada d'una estapa del Torn de França ciclista.

Geografia

Lo plan de Belha es delimitat par las vals de dos afluents d'Arièja : Aston a l'oèst, Laball a l'èst. Se termina al sud pel pòrt de Fenestràs (1967 m), ont passa lo GR 10 ; e al nòrd, per lo versant la val d'Arièja.

L'estacion d'esquí

Es una estacion de jorn, i a pas l'albergament sul plan; l'albergament se fa dins la val.

La gestion es intercomunala.

Ciclisme