Principat d'Aurenja

Lo principat d'Aurenja es un ancian estat situat en Occitània. Es ara administrat per los departaments de Vauclusa e de Droma. Sa populacion es de 44 829 abitants (2019).

Escut dau Principat

Mapa dau Principat tirada de l'Atlas de Willem Blaeu

Lo títol de prince d'Aurenja es encara uei utilizat per l'eiretier de la corona daus País Bas (per ara la princessa Catharina-Amalia Beatrix Carmen Victoria).

Istòria

Lo comtat d'Aurenja èra dau reiaume de Borgonha, part dau Sant Empèri. En 1173, Bertrand, un capdèt de l'ostau dei Bauç, esposa Tibors, comtessa d'Aurenja^[1] . En 1178, Frederic II Barbarossa establiguèt Aurenja coma principat per Bertrand Ièr.

En 1383, la princessa Maria d'Aurenja esposa Joan de Châlons e d'Arlay.

En 1544, Guilhèm de Nassau eireta del títol de prince d'Aurenja de son cosin Filibèrt de Chalon. Ven lo primièr stathouder daus País Bas e transmet lo títol a l'ostau d'Aurenja e Nassau.

A l'ora d'ara, lo títol de prince d'Aurenja es portat per l'eiretièr(a) del tròne dels Païses Basses.