Aquel gas incolòr a una olor e un gost leugièrament sucrats. Es utilizat en anestesia, cirurgia, odontologia coma adjuvant (en mescla equimolara amb de l'oxigèn) per sas proprietats anestesicas e antalgicas. Es dit «gas ilarant» amor qu'es euforizant a l'inalacion, d'ont son usatge coma dròga recreativa alucinogèna[1],[2]. Coma comburant, acreis la poténcia dels motors en competicion automobila. Amb l'acetilènH-C≡C-H, es utilizat dins d'unes aparelhs d'analisa (spectrometria d'absorpcion atomica[3]).
Present a l'estat de traças dins l'aire sèc (330parts per miliard), es un gas d'efièch de sèrra poderós (298 còps pus poderós que lo CO2) e es vengut lo 1èr contributor a la destruccion del jaç d'ozòn. Sas emissions son d'origina naturala e umana (mai de 120% d'aumentation dins l'aire dempuèi l'epòca preindustriala.
