Riolita

La riolita es una ròca magmatica volcanica principalament compausada de qüars e de sanidina. La preséncia d'oligoclasa, de biotita, d'albita, de magnetita, de tridimita, de diopsida e d'amfibòl es possibla. A una estructura fòrça variabla que pòu aver un aspècte massís ò fluida amb fòrça vesiculas dins lei partidas superficialas. Sa color varia entre lo blanc e lo gris clar.

Bauç de riolita (Esterèu).

Es una ròca comuna dins lei regions volcanicas de magma acid, en particular ais Estats Units, en Japon, en Etiopia, en Romania, en Itàlia e en Occitània (Esterèu). En causa de sa resisténcia superiora au granit, la riolita foguèt pauc utilizada per escultar d'objèctes ornamentaus. Uei, es mai que mai destinada a la construccion de balasts ferroviaris. A tanben d'aplicacions industrialas coma abrasius.

Liames intèrnes

• Riodacita.
• Volcan.

Bibliografia

• (fr) Nicola Cipriani (trad. Marie-Hélène Alfonsi e Catherine Sobecki), Minéraux et Roches, París, Gründ, 1996.