Roman von Ungern-Sternberg

Nikolai Robert Maximilian Freiherr von Ungern-Sternberg (10 de genier de 1886, Graz - 15 de setembre de 1921, Novossibirsk) es un aventurier rus que tenguèt un ròtle important dins la Guerra Civila Russa. Eissit de la minoritat alemanda de las regions balticas, èra un monarchista ultraconservator favorable au restabliment de la monarchia russa. Puei, après las desfachas de las armaas blanchas, assajèt de restaurar l'Emperi Mongòl sota lo rèine de Bogdo Khan. Excentric e violent, èra dich lo « baron fòl » o lo « baron sanglent » tant per sas tropas que per sos enemics.

Fotografia de von Ungern en Mongolia en 1919.

En febrier de 1921, formèt una division de cavalariá asiatica e capitèt de batre e d'expulsar las tropas chinesas de Mongolia. Aquò li permetèt de restablir una monarchia mongòla independenta sota la direccion de Bogdo Khan. Durant cinc mes, dirigiguèt un govern fondat sus la terror e la violéncia. En junh, menèt una ataca en Siberia Orientala per s'opausar a las avançaas bolchevicas dins la region. Pasmens, l'operacion èra mau preparaa e Ungern foguèt batut e capturat après dos mes de combat per l'Armaa Roja. Jutjat, foguèt declarat copable, condamnat a mòrt e rapidament executat.

Ligams internes

• Bogdo Khan.
• Guerra Civila Russa.

Bibliografia

• (fr) Jean-Jacques Marie, Histoire de la guerre civile russe 1917-1922, Tallandier, 2022, 432 p.
• (fr) Loonid Youzefovitch (trad. Elisabeth Mouraviova), Le baron Ungern Khan des steppes, Editions des Syrtes, 2001, 352 p.