Salmanazar V

Salmanazar V es un sobeiran de l'Emperi Assirian que reinèt de 727 a 722 avC. Fiu e successor de Teglath-Phalasar III (745-727 avC), foguèt remplaçat per son fraire Sargon II (722-705 avC).

Designat eiretier per son paire, l'aviá sovent remplaçat durant son rèine e sa presa dau poder foguèt pas contestaa per sos fraires. En revenge, plusors províncias de l'Emperi se revoutèron tre lo començament de son rèine. Salmanazar V organizèt donc plusors campanhas per restaurar la dominacion assiriana en Siria, en Fenicia e en Palestina. I annexèt los reiaumes « neoititas » e lo reiaume d'Israèl e someteguèt tornarmai Tir. Puei, ordonèt la desportacion de plusors pòples per estabilizar la preséncia assiriana dins la region.

Las circonstàncias de sa mòrt son inconeissuas, mai los istorians avançan frequentament l'ipotesi d'un assassinat ordir per Sargon II. Sa mòrt entraïnèt probablament una revòuta de las populacions dau sud de Mesopotamia que s'alièron amb los Elamitas. Ansin, en Babilònia, lo tròne foguèt usurpat per lo Caldeu Marduk-Apal-Idin II.

Ligams internes

• Assiria.

Bibliografia

• (fr) Josette Elayi, L'Empire assyrien : Histoire d'une grande civilisation de l'Antiquité, Perrin, 2021, pp. 141-151.