Santos

Santos es una vila de Brasil, sul litoral de l'estat de São Paulo. Sa populacion èra estimada a 418 316 abitants en 2005. Sa superfícia totala es de 280,3 km². Una part de son territòri (39 km²) es situada dins l'illa de São Vicente, qu'es dividida amb la vila de São Vicente. L'autra part es situada sus lo continent.

Vista de la vila de Santos, lo pòrt màger de Brasil.

Estat	São Paulo
Superfícia	281 km²
Populacion	437 000 (Estimada 07/2003)
Altitud	2 m al dessús del nivèl de la mar
Distància de São Paulo	70 km
Còde Postal (CEP):	11100-000
Situacion geografica	23° 58' lat. sud 46° 20' long. oèst
Adreça de l'ostal de comuna	Prefeitura Municipal de Santos, Secretaria da Cidadania - Praça Mauá, s/nº- 4º andar, Centro - Santos
Sit web	www.santos.sp.gov.br
Contacte	aicí
Localizacion de Santos, en Brasil

Situada a 70 km al sud de la capitala de l'estat (la ciutat de São Paulo), Santos es lo pòrt màger d'America del Sud e tanben una vila toristica e comerciala. Es ligada a la vila de São Paulo per la rota Via Anchieta e l'autorota Rodovia dos Imigrantes.

Autra vista de la vila.

Foguèt fondada en 1543 o 1546, recebèt la doana en 1550 e aguèt l'estatut de vila lo 26 de genièr de 1839. L'inauguracion del camin de fèrre Santos-Jundiaí pels angleses en 1867 a transformat la vila en un important pòrt d'exportacion de cafè.

Lo pòrt de Santos foguèt lo principal pòrt exportador de cafè brasilièr a la fin del sègle XIX e al començament del sègle XX.

Dins un club de fotbòl de Santos - lo Santos Futebol Clube, fondat en 1912 - a jogat un dels fotbolaires brasilièrs mai famós: Edson Arantes do Nascimento, pus conegut coma Pelé.

• Portal de Brasil