Sendièr Luminós

Lo Partit Comunista de Peró – Sendièr Luminós (oficialament en espanhòl Partido Comunista del Perú - Sendero Luminoso, abreujat coma PCP-SL), es un partit comunista perovian d'orientacion maoïsta fondat dins las annadas 1970 per Abimael Guzmán, alara professor de filosofia a l'universitat de Ayacucho. Aqueste prenec en 1980 lo cap de l'insurreccion armada eissida d'una dissidéncia del Partit Comunista Perovian, jol nom de Camarada Gonzalo.

Fauç e martèl del partit.

Lo Sendièr Luminós a participat al conflicte armat de las annadas 1980 e 1990 a Peró, qu'a fach 70 000 victimas. L'organizacion es plaçada sus la lista oficiala de las organizacions terroristas de Canadà, dels Estats Units e de l'Union Europèa.