Terek (fluvi)

Terek qu'ei un deus principaus fluvis de Caucàs, d'ua longor de 623 km.

Terek que trauca la vila de Vladikavkaz

Cors superior de Terek en Georgia

Mapa deu bacin de Terek e deus sons afluents

Geografia

Que neish dens un glacèr au sud-oèst deu tuc Kazbek, près deu son bèc, dens lo nòrd de Georgia, a 4 267 m d'altitud, apuish que correish de cap au nòrd. Que trauca suu còp la termièra russa au nivèu de l'Ossetia deu Nòrd, en traversant la capitau Vladikavkaz. Que va autanlèu de cap a l'èst e qu'adaiga Chechenia, puish Daguestan, abans de dividí's en duas brancas qui's getan dens la mar Caspiana. Au hons de la vila de Kizliar que forma un immens dèlta fluviau de haut o baish 100 km de large.