Torre de Londres

La torre de Londres (en anglés Tower of London) es una fortalesa istorica situada en riba nòrd de Tamèsi a Londres en Anglatèrra a costat de Tower Bridge. La torre se tròba dins lo districte londinenc de Tower Hamlets situat a l'èst de la Ciutat de Londres dins un espaci dich Tower Hill. Sa construccion comencèt cap a la fin de l'an 1066 durant la Conquista normanda d'Anglatèrra. La torre Blanca (White Tower) que donèt lo nom a l'ensemble del castèl, foguèt bastida per Guilhèm lo Conquistaire en 1078 e foguèt considerada coma un simbòl de l'opression de Londres per la classa dirigenta. Lo castèl foguèt utilizat coma preson tre 1100. Servissiá tanben de grand palais e de residéncia reiala. Dins son ensemble, la torre es un complèxe compausat de mai d'un bastiments enrodats de doas muralhas defensivas concentricas e d'un valat. La torre es marcada al Patrimòni de l'Umanitat.