Toto Cutugno

Salvatore Cutugno, mai conegut per son diminutiu Toto Cutugno (prononciacion: [ˈtɔːto kuˈtuɲɲo]) (Fosdinovo, Toscana, 7 de julh de 1943 - Milan, 22 d'agost de 2023) foguèt un cantaire, cantautor, compositor e presentador de television italian.

Toto Cutugno premiat en Ucraïna en 2012

Participèt coma solista, en duo e mai en grop a 15 edicions del Festival de la cançon italiana e ganhèt l'edicion que se faguèt en 1980. Demorèt 6 vegadas segond e un còp tresen. Cutugno a escrich e produch mantas cançons per d'autres cantaires coma per exemple Adriano Celentano durant las annadas 1970 e 80. Venguèt famós internacionalament gràcias a sa cançon "L'Italiano", que foguèt un de sos succèsses mai importants.