Trescalan

Los trescalans (var. èrba de Sant Joan, tresflòri, caça diable) forman lo genre Hypericum, compausat d'aperaquí quatre cents espècias repartidas dins lo mond entièr, levat dins los desèrts e las regions articas. Jols tropics, se tròba en montanha.

Hypericum

Hypericum

Hypericum perforatum (tescalan jaune)

Classificacion

Règne	Plantae
Sosrègne	Tracheobionta
Division	Magnoliophyta
Classa	Magnoliopsida
Sosclassa	Dilleniidae
Òrdre	Theales
Familha	Clusiaceae

Genre

Hypericum
L., 1753

Classificacion APG III (2009)

Classificacion APG III (2009)

Òrdre	Malpighiales
Familha	Hypericaceae

Los trescalans son restacats a la familha de las Hypericaceae segon la classificacion filogenetica o a la de las Clusiaceae segon la classificacion classica.

Descripcion

Los trescalans son mai que mai de plantas erbacèas, anadièras o vivaças. Son tanben de còps que i a d'arbrilhons o quitament d'arbres pichons que pòdon aténher qualquas desenas de mètres (Hypericum lanceolatum).

Les fuèlhas son simplas, opausadas, de forma ovala a lanceolada. Las flors, d'un jaune mai o ens viu, tenon cinc petals (rarament quatre) e d'estaminas nombrosas. Los fruches son generalament de capsulas sècas qu'espetan a maturitat en desliurar un grand nombre de granetas, mas existisson d'espècias de fruches poputs (Hypericum androsaemum).

Qualquas espècias

• trescalan jaune (Hypericum perfoliatum)
• trescalan pichon (Hypericum humifusum)
• trescalan roge (Erythrea centaurium)