Tuta de Massavielha

Era Tuta de Massavielha (AFI: [ˈtytə‿de‿masaˈˈbjeʎə]) qu'ei un lòc de romivatge catolic situat a Lorda, enes Hauts Pirenèus (Bigòrra). Qu'ei er endret on era Verge Maria e aparescó 18 còps a Bernadeta Sobirós en 1858, ce digó era senta.

Tuta de Massavielha

Tipe	Balma e balma artificiala
Part de	Santuari de Lorda
Localizacion
Estat	França
Serrada	Pirenèus
Istòria
An descobèrta	1858

Que s'orbeish devant deth Gave de Pau. N'ei pas brica pregona. Que correspond a un clòt d'ua detzena de mètres de pregondor ena paret der'arròca lissa e umida. Era resurgéncia carstica que passa per un cròs en'arròca de cap ath gave. Er'estatua dera verge vestida de blanc que's tròba en haut en ua cavitat segondària der'arròca a dreta dera tuta.

Era hont d'aiga qui cola ath ras dera tuta qu'ei ua deras sèt o ueit resurgéncias carsticas (dèlta sosterranh) deras aigas qui arriban deth sinclinau dera Vath Surguèra-Prat d'Aurèlh e qui neurissen eth gave de Pau. Qu'ei considerada com miraclosa. Era Dauna que'u domandè: «Anatz béuer ena hont e v'i lauar», ce declarè Bernadeta. Desempuish, eths pelegrins que beuen er'aiga deras canèlas a dreta dera tuta e que's banhan enas piscinas situadas mes enlà a dreta dera hont. Sus era tuta qu'estó bastida era basilica dera Immaculada Concepcion de Lorda.

Galeria

• 
  Vista dera Basilica dera Immaculada Concepcion de Lorda dominant era tuta de Massavielha.
• 
  Era entrada dera tuta de Massavielha.
• 
  Estatua dera Verge Maria ena tuta de Massavielha.

• Portau de Gasconha