Val d'Estura

La Val d'Estura (var. non locala Vau/Vath d'Estura) (en italian Valle Stura di Demonte), es una val dels Alps italians e un parçan d'Occitània que se situa dins las Valadas Occitanas. Lo riu Estura li dona son nom.

La val d'Estura entre Aison e Vinai

Es situada dins la província de Coni, entre los Alps Còcis al nòrd e los Alps maritims al sud. Confronta al nòrd la val Grana e la val Maira, e al sud lo departament francés dels Aups Maritims. Sa longor es d'aperaquí 50 km, dempuèi lo còl de la Magdalena (1 995 m), passatge rotièr important entre França e Itàlia, duscas la plana de Pò qu'atenh al Borg Sant Dalmatz.

Sa vila principala es Demont, las autras son, d'amont cap aval : Pèirapuerc, Vinai, e Moiòla.

Ligams extèrnes

• "Tòc de vida de pastre en val d'Estura". Collectatge per Lissandre Varena.
• "Cromparem pas lo paradís". Collectatge per Lissandre Varena.