Variolizacion

La variolizacion èra una tecnica medicala anciana que consistiá a inocular de teissuts d'un malaut de la variòla a un individú san. Es considerat coma un metòde de vaccinacion primitiva.

D'efiech, l'objectiu èra de limitar lo risc que la persona inoculada desvolope una forma grèva de la malautiá, mortala per 35% deis individús tocats. Relativament perilhós, aqueu metòde foguèt probablament inventat dins mai d'una region d'un biais independent. Lo procès pus segur foguèt concebut en China au sègle XVI e se difusèt pauc a pauc vèrs l'oèst lòng de la Rota de la Seda. Pasmens, maugrat divèrsei melhoraments, lo taus de mortalitat se mantenguèt entre 1% e 2% deis individús variolizats. Ansin, la variolizacion foguèt rapidament abandonada après l'invencion de la vaccinacion per Edward Jenner en 1796.

Liames intèrnes

• Variòla.

Bibliografia