Vern (aiga perigòrda)

Vern (Vern en francés) es una aiga occitana dau departament de Dordonha, dins la region de Novela Aquitània, ancianament d'Aquitània. Vern es un afluent d'Eila e un sosafluent de Dordonha.

Vern
Vern a Bòrdas
Caracteristicas
Longor	40,36 km
Bacin	?
Debit mejan	?
Regim	pluviau
Geografia
Païses traversats	França

Etimologia

Las fòrmas ancianas son Vernium en 1272, Vernh en 1409, Verg en 1526^[1]. Lo nom correspond a l'(ancian) occitan vèrn (aura pusleu vernhe en lemosin, o vèrnhe)^[1]. Xavier Delamarre explica lo nom de las aigas d'aqueu nom d'après uernā(s), uerniā, uernon, « la vernhassa, la vernhassada » (e non pas lo nom de l'aubre)^[2].

Geografia

La font de Vern es dins las comunas de Sendrius (comuna novela de Val de Loira e Caudau) e de Veirinas de Vern, a quauqua ren coma 180 m d'altitud.

Una partida importanta de las aigas se perd au sud-oest de Vern, près de Pont-Romiu, puei torna paréisser en avau en mai d'un luòc e d'aici a 14 km pus luenh, au niveu de Granhòu^[3].

Vern s'eschampa dins Eila a 54 mètres d'altitud, en riba mança, dins la comuna de Nuòuvic, dos kilomètres a l'oest de la vila.

Afluents

Localitats traversadas

Vern traversa onze comunas, totas dau departament de Dordonha :

• Sendrius (comuna novela de Val de Loira e Caudau), font;
• Veirinas de Vern (font);
• Salon de Vern;
• Vern;
• Sent Maime de Perairòus;
• Grunh e Bòrdas;
• Sent Pau de Serra;
• Manzac de Vern;
• Granhòu;
• Valaruelh;
• Nuòuvic (ajustants).