Saragossa

Saragossa, o pus rarament Saragosta (prononciat [sa.ɾaˈɣu.s(t)o̞] -[s(t)a]; en castelhan, aragonés e oficialament: Zaragoza), es la capitala d'Aragon^[4] aital coma de la província eponima. La populacion èra de 675 301 abitants lo 1r de genièr de 2021,^[5] estant lo cinquen municipi d'Espanha per populacion.

Saragossa

(Bandièra) (Escut d'armas)
Nom oficial	Zaragoza (es)[1]
Administracion
Capitala	Ciutat de Saragossa (ca)
Politica
• Cònsol màger	Jorge Azcón Navarro (ca) (2019–)
Geografia
41° 38′ 00″ N, 0° 53′ 00″ O
Estat	Espanha
Comunautat autonòma	Aragon
Província	Província de Saragossa
Superfícia	973 780 000 m²
Altitud mejana	211 m[2]
Fus orari	UTC+01:00 UTC+02:00
Demografia
• Totala	686 986[3] ab. (2024 )
• Densitat	705,48 ab./km²
Gentilici	saragossan -a saragostan -a
Istòria
Pairinatge	Valeri de Saragossa (ca) e Verge del Pilar
Autras informacions
Còdi postal	50.001 - 50.018
Prefix telefonic	976
Sit web	www.zaragoza.es

Catedrala de Sant Salvador de Saragossa

Toponimia

Ancianament s'i trapava l'establiment d'un pòble iberic sonat Salduie o Salduba,^[6] e mai tard una ciutat romana pròcha de la localitat sonada Caesaraugusta, fondada per l'emperaire Cesar August en 24 aC. Los arabis la nomenèron Saraqusta (سرقسطة), que venguèt Zaragoça, Zaragoza en aragonés, Zirigoza en alguns dialèctes aragoneses e baturra,^[7][8] Zaragoza en castelhan e Saragossa en occitan e catalan.

Geografia

Saragossa se situa dins la val inferiora de l'Èbre, a l'embocadura dels rius Huervan e Gállego, que traversan la ciutat. Es distanta de 300 km de Tolosa, Barcelona, Valéncia, Bilbao e Madrid.

Istòria

De 1018 a 1110 foguèt la capitala de la Taifa de Saragossa, tanben sonada reialme moro de Saragossa, que sa residéncia reiala, lo palais de l'Aljaferia, es actualament lo sèti de las Còrts d'Aragon.

Lo rei Anfós I d'Aragon conquistèt Saragossa en 1118, que venguèt la capitala del reialme d'Aragon. La ciutat foguèt partejada en quartièrs jusieu, musulman e crestian.

Tre 1164 a 1707 venguèt una de las ciutats principalas de la Corona d'Aragon (qu'aviá pas de capitala).

Un tractat important foguèt signat a Saragossa (Tractat de Saragossa) en 1529 entre espanhòls e portugueses per lo partatge de las descobèrtas del Mond Nòu.

Pendent l'invasion d'Espanha per Napoleon, Saragossa sofriguèt dos sètges e foguèt practicament destruita.

Foguèt lo sèti d'EXPO-2008.