ଜଗନ୍ନାଥ ମନ୍ଦିର, ରାଞ୍ଚି

ଝାଡ଼ଖଣ୍ଡର ରାଜଧାନୀ ରାଞ୍ଚିର ଧୁର୍ୱରେ ଥିବା ଏହି ଜଗନ୍ନାଥ ମନ୍ଦିରକୁ ବରକାଗଡ଼ ଜଗନ୍ନାଥପୁରର ରାଜା ଠାକୁର ଅନିନାଥ ସିଂହଦେଓ ୧୬୯୧ମସିହାରେ ନିର୍ମାଣ କରିଥିଲେ । ନିର୍ମାଣ କାର୍ଯ୍ୟ ୧୬୯୧ ମସିହା ଖ୍ରୀଷ୍ଟମାସ ଦିନ ସମାପ୍ତ ହୋଇଥିଲା ।  ^[୨] ମନ୍ଦିରଟି ମୁଖ୍ୟ ସହରଠାରୁ ପ୍ରାୟ ୧୦କିମି ଦୂରତାରେ ଅବସ୍ଥିତ । ଏହା ଏକ ପର୍ବତଚୂଡାରେ ନିର୍ମିତ ।^[୩][୪]

ଏହି ପ୍ରସଙ୍ଗଟି ରାଞ୍ଚିରେ ଥିବା ଜଗନ୍ନାଥ ମନ୍ଦିର ବାବଦରେ । ବାକିସବୁ ପାଇଁ, ଜଗନ୍ନାଥ ମନ୍ଦିର (ବହୁବିକଳ୍ପ) ପ୍ରସଙ୍ଗଟି ଦେଖନ୍ତୁ ।

ଜଗନ୍ନାଥ ମନ୍ଦିର, ରାଞ୍ଚି
Religion
ଅନୁବନ୍ଧଗୁଡ଼ିକ	ହିନ୍ଦୁ ଧର୍ମ
Location
ସ୍ଥାନ	ଧୁର୍ୱ,ରାଞ୍ଚି[୧]
State	ଝାଡ଼ଖଣ୍ଡ
Country	ଭାରତ

ଏହି ମନ୍ଦିରଟି ଆକାରରେ କ୍ଷୁଦ୍ର ହେଲେ ମଧ୍ୟ ପୁରୀ ଜଗନ୍ନାଥ ମନ୍ଦିର ଢାଞ୍ଚାରେ ନିର୍ମାଣ କରାଯାଇଛି ।  ମନ୍ଦିରରେ ପ୍ରତିବର୍ଷ ରଥଯାତ୍ରା ମହାସମାରୋହରେ ପାଳନ କରାଯାଏ । ରାଞ୍ଚି ^[୩] ତଥା ଆଖପାଖ ଅଞ୍ଚଳର ବହୁ ଶ୍ରଦ୍ଧାଳୁ ଏହି ରଥଯାତ୍ରରେ ଅଂଶଗ୍ରହଣ କରିଥାନ୍ତି ।^[୪][୫]

ଏହି ମନ୍ଦିରଟି ଏକ ପର୍ବତଚୂଡାରେ ଅବସ୍ଥିତ । ମନ୍ଦିରକୁ ଯିବା ପାଇଁ ଗୋଟିଏ ପାହାଡ଼ କଟା ହୋଇ ତିଆରି କରାଯାଇଥିବା ପାହାଚ ଚଢା ରାସ୍ତା ଓ ଆଉଗୋଟିଏ ଗାଡିମଟର ଯିବା ଭଳି ରାସ୍ତା ରହିଛି । ପାହାଡ଼ ଚଢା ରାସ୍ତାରେ ଥିବା ବଡ଼ ବଡ଼ ଗଛଛାଇ ଯାତ୍ରୀମାନଙ୍କ କ୍ଲିଷ୍ଟ ନିବାରଣ କରିଥାଏ । ପର୍ବତ ଉପରୁ ରାଞ୍ଚି ସହରର ଦୃଶ୍ୟ ଅତି ମନରୋମ ହୋଇଥାଏ ।^[୬]

୧୯୯୦ ମସିହା ଅଗଷ୍ଟ ୬ତାରିଖରେ ମନ୍ଦିରଟି ଭୂଷୁଡି ପଡିଥିଲା । ତତ୍କାଳୀନ ବିହାର ରାଜ୍ୟ ସରକାର ଓ ଭକ୍ତମାନଙ୍କ ସହାୟତାରେ ୧୯୯୨ ଫେବୃଆରୀ ୮ତାରିଖରେ ମନ୍ଦିର ପୁଣି ପୁନଃନିର୍ମିତ ହୋଇପାରିଥିଲା ।  ^[୫]

ଚିତ୍ର ଗ୍ୟାଲେରି

• 
• 
• 
• 
  ମନ୍ଦିରର ପୁରାତନ ଛବି