ଲିମ୍ଫିଡିମା

ଲିମ୍ଫିଡିମା (ଇଂରାଜୀ ଭାଷାରେ Lymphedema) ଏକ ସ୍ଥାନୀୟ ଇଡିମା ବା ଫୁଲା ଅଟେ ଯାହା ଲସିକା ପ୍ରଣାଳୀର କାର୍ଯ୍ୟରେ ଅସୁବିଧା ଯୋଗୁ ହୋଇଥାଏ | ^[୧] ଅନ୍ୟାନ୍ୟ ଲକ୍ଷଣ ମଧ୍ୟରେ ବେଆରାମ, ଓଜନିଆ, ଗଣ୍ଠି କାଠିନ୍ୟ ଏବଂ ମୋଟା ଚର୍ମ ହୋଇପାରେ | ^{[୧] [୨]} ରୋଗ ଜଟିଳ ହେଲେ ସଂକ୍ରମଣ, ଗଭୀର ଶିରା ଥ୍ରୋମ୍ବୋସିସ୍ ଏବଂ ଲିମ୍ଫାଞ୍ଜିଓସାର୍କୋମା ହୋଇପାରେ।^[୨]

Lymphedema
Lymphoedema, lymphatic edema, lymphatic obstruction, lymphatic insufficiency
Lower extremity lymphedema
ବିଭାଗ	Vascular medicine, physical medicine and rehabilitation, plastic surgery
ଲକ୍ଷଣ	Swelling, discomfort, heaviness, joint stiffness, skin thickening[୧][୨]
କାରଣ	Cancer, parasitic infections, genetic disorders[୨]
ବିପଦ କାରକ	Obesity[୩]
ରୋଗ ନିର୍ଣ୍ଣୟ ପଦ୍ଧତି	Based on symptoms[୧]
ସଠିକ ରୋଗ ନିର୍ଣ୍ଣୟ	Lipodystrophy, venous insufficiency, heart failure, kidney problems, cirrhosis[୧][୨]
ଚିକିତ୍ସା	Compression therapy, good skin care, exercise, manual lymphatic drainage[୪][୩]
ପୁନଃପୌନିକ	~200 million[୫]

କର୍କଟ ରୋଗ, ଏହାର ଚିକିତ୍ସା କିମ୍ବା ପରଜୀବୀ ସଂକ୍ରମଣ ଯୋଗୁ ଏହି ରୋଗ ହୋଇଥାଏ କିନ୍ତୁ ଅନେକ ଜେନେଟିକ ରୋଗମାନଙ୍କରେ ମଧ୍ୟ ଏହା ଦେଖାଯାଏ | ^[୨] ବିପଦ କାରକ ମଧ୍ୟରେ ମୋଟାପଣ ଅନ୍ତର୍ଭୁକ୍ତ ଥାଏ ।^[୩] ଅନ୍ତର୍ନିହିତ କାର୍ଯ୍ୟ ପ୍ରଣାଳୀରେ ପ୍ରଦାହ ଓ ଫାଇବ୍ରୋସିସ ଚକ୍ର ଦେଖାଯାଏ | ^[୫] ଅନ୍ୟାନ୍ୟ ସମ୍ଭାବ୍ୟ କାରଣକୁ ଏଡ଼ାଇ ଦିଆଯିବା ପରେ ସାଧାରଣତଃ ଲକ୍ଷଣ ଦେଖି ରୋଗ ନିର୍ଣ୍ଣୟ କରାଯାଏ | ^[୧]

ଏହି ରୋଗ ଆରୋଗ୍ୟ ସାଧ୍ୟ ନଥିବାବେଳେ ଚିକିତ୍ସାଦ୍ୱାରା ଫଳାଫଳ ଉନ୍ନତ ହୋଇପାରେ | ^[୧] ସାଧାରଣତଃ ଏଥିରେ ଚାପ ଚିକିତ୍ସା, ଉତ୍ତମ ଚର୍ମ ଯତ୍ନ, ବ୍ୟାୟାମ, ଏବଂ ହାତ ସାହାଯ୍ୟରେ ଲସିକା ନିଷ୍କାସନ ଇତ୍ୟାଦି କରାଯାଏ ଯାହା ସାମୁହିକ ଭାବରେ ଡିକଞ୍ଜେଷ୍ଟିଭ୍ ଥେରାପି ଭାବରେ ଜଣାଶୁଣା | ^[୧] ବ୍ୟାୟାମ ମଧ୍ୟ ଉପଯୋଗୀ ହୋଇପାରେ | ^[୩] ଡାଇୟୁରେଟିକ ଉପଯୋଗୀ ନୁହେଁ।^[୧] ବିଭିନ୍ନ ପଦକ୍ଷେପ ସହିତ ଉନ୍ନତ ହୋଇନଥିବା ରୋଗୀଙ୍କର ଅସ୍ତ୍ରୋପଚାର କରାଯାଏ ।^[୧]

ଲିମ୍ଫିଡିମା ବିଶ୍ୱରେ ପ୍ରାୟ ୨୦୦ ନିୟୁତ ଲୋକଙ୍କୁ ପ୍ରଭାବିତ କରିଥାଏ | ^[୫] ପୁରୁଷଙ୍କ ଅପେକ୍ଷା ମହିଳାମାନେ ଅଧିକ ପ୍ରଭାବିତ ହୁଅନ୍ତି।^[୫] ସ୍ତନ କର୍କଟରୁ ବଞ୍ଚିଥିବା ୫ଜଣରୁ ଜଣେ ମହିଳା ଓ ମହିଳାରୋଗ କର୍କଟରେ ଆକ୍ରାନ୍ତ ୪୦% ମହିଳାଙ୍କର ଲିମ୍ଫିଡିମା ହୋଇପାରେ ।^[୨] ଜେନେଟିକ୍ କାରଣଗୁଡିକ କମ୍ ଥାଏ ଓ ସାଧାରଣତଃ ୧୦୦,୦୦୦ ଲୋକଙ୍କ ମଧ୍ୟରୁ ଜଣକର ହୋଇଥାଏ | ^[୨] ପ୍ରାଚୀନ ଇତିହାସରେ ପ୍ରାଚୀନ ଇତିହାସରେ ଏହି ଅବସ୍ଥାର ବର୍ଣ୍ଣନା କରାଯାଇଛି।^[୬]