Алиев, Азер Илгар оглы

Азе́р Илгар оглы Али́ев (азерб. Azər İlqar oğlu Əliyev; райгуырдис 1994-æм азы 12 майы Безаклойы, Гуырдзыстон^[2]) у уæрæсейаг футболист, футболон клуб «Уфа»-йы æрдæгхъахъхъæнæг.

Азер Алиев
Иумæйаг информаци
Æнæхъæн ном	Азер Илгары фырт Алиев
Райгуырдис	1994-æм азы 12 майы(1994-05-12)[1] (31 азы) Безакло, Дманисы муниципалитет, Гуырдзыстон
Æмбæстонад	Уæрæсе Азербайджан
Ас	168 см
Уæз	62 кг
Позици	галиу хъахъхъæнæг, галиу æрдæгхъахъхъæнæг
Клубы тыххæй информаци
Клуб	Уфа
Номыр	77
Клубон карьерæ 2012—2017 Енисей 89 (6) 2013 Сахалин 9 (5) 2017—2018 Крылья Советов 39 (4) 2018—нырмæ Уфа 40 (1) 2019 Уфа-2 1 (0)
Викикъæбицы медиа

Карьерæ

Алиев у красноярскаг футболы хъомылгæнинаг. 9 азы йыл куы цыдис, уæд хъазынмæ æрбацыдис сывæлæтты спорты скъоламæ (ДЮСШ №2, Красноярск) æмæ дзы хъазыдис 16 азы онг, йæ тренер уыдис Алексей Лазаренко. Уый фæстæ æрыгон лæппу йæхи ссардта ФК «Енисей»-ы дублёрон сконды^[3]. 2013-æм азы фæззæджы арендæмæ ацыдис дыккаг дивизионы клуб «Сахалин»-мæ, хорз равдыста дзы йæхи, бакъуырдта æхсæз пуртийы дæс хъазты.

2015-æм азæй хъазыдис «Енисей»-йы сæйраг сконды. Уыцы клубы тыххæй ахъазыдис 89 матчы, бакъуырдта 6 пуртийы.

2016-æм азы фехъусын кодта, Азербайджаны иугонд командæйы хъазын æй кæй фæнды, уый тыххæй. Футболистæн ис Азербайджаны граждандзинад, кæд æмæ Гуырдзыстоны райгуырдис, уæддæр^[4]. Куыд ахицæн ацы фæндиаг, нæма бæрæг у.

2017-æм азы сæрды хъазынмæ рацыдис Самарæйы клуб «Крылья Советов»-мæ. Уыцы командæйы сконды йæ къухы бафтыд премьер-лигæмæ схизын, уыцы ахсджиаг сезоны дæргъы алы 38 матчы дæр хъазыдис Алиев. Командæйы ног статусы, премьер-лигæйы, ахъазыдис æрмæстдæр иунæг хъазт — 2018-æм азы 11 августы «Ростов»-ы ныхмæ^[5]. Уыцы азы августы рацыдис ФК «Уфа»-мæ, уый дæр Уæрæсейы уæлдæр дивизионы архайы.

2020-æм азы 9 июлы Азер хъазыдис æнæхъæн матч, 90 минуты, клуб «Ростов»-ы ныхмæ. Журналисттæн куыд загъта, алы хатт дæр уымæ у цæттæ^[6].