Важа-Пшавела

Ва́жа-Пшаве́ла (гуырдз. ვაჟა-ფშაველა — «гуыданы фырт»), æцæг ном у Лукъа Паулейы фырт Разикъашвили (гуырдз. ლუკა პავლეს ძე რაზიკაშვილი; райгуырдис 1861-æм азы Чаргалийы хъæуы — амардис 1915-æм азы Тбилисы) у гуырдзиаг поэт æмæ фыссæг, гуырдзиаг литературæйы классик.

Важа-Пшавела
гуырдз. ვაჟა-ფშაველა
Гуырæн ном	Лукъа Разикъашвили
Райгуырды датæ	14 (26) июлы 1861[1]
Райгуырæны бынат	Чаргали, Тифлисы губернæ[d], Кавказы наместникад[d], Уæрæсейы импери
Мæлæты бон	27 июны (10 июлы) 1915[1] (53 азы)
Мæлæты бынат	Тбилис, Уæрæсейы импери[2]
Æмбæстонад (дæлхицауад)	Уæрæсейы импери
Ахуырад	Фæскавказы ахуыргæнджыты семинар
Архайды хуыз	поэт, ахуыргæнæг, тæлмацгæнæг, драматург, фыссæг
Уацмысты æвзаг	гуырдзиаг
Автограф
rustaveli.tripod.com/psh…
Викикъæбицы медиа

Цардафыст

Важа Пшавела райгуырдис 1861 азы Душеты уезды, Чаргалы хъæуы, Йæ сабийы бонтæ æнæмæтæй æрвыста Важа. Йæ фыд уыд дины кусæг, хорз зыдта гуырдзиаг классикон литературæ. Æвдæлон рæстæджы-иу йæ алыварс сбадын кодта йæ сабиты æмæ-иу сын амыдта кæсын-фыссын, кодта-иу сын гуыдан æмæ хевсурты цардæй лæгдзинад æмæ удуæлдайдзинады таурæгътæ. Важайы мад Бар-баре Пхикъелашвили зæрдæхæлар, рæдау æмæ поэзиуарзаг адæймаг уыдис. Кæсын-фыссын нæ зыдта, фæлæ æнæкæсгæйæ бирæ зыдта гуыдан æмæ хевсурты адæмон сфæлдыстадæй æмæ-иу сæ уый дæр амыдта йæ сабитæн.