Гаглойты Федыр

Гаглойты Захары фырт Федыр (райгуырдис 1913-æм азы — амардис 1983-æм азы) у ирон фыссæг. Гафез, зæгъгæ, ахæм номæй дæр зындгонд.

Гаглойты Федыр
Фæсномыгтæ	Гафез
Райгуырды датæ	1913-æм азы 11 сентябры(1913-09-11)[1] кæнæ 1913-æм азы 29 августы(1913-08-29)[2]
Райгуырæны бынат	Баку, Уæрæсейы импери[1]
Мæлæты бон	1983-æм азы 12 августы(1983-08-12)[1][2] (69 азы)
Мæлæты бынат	Цхинвал, Гуырдзыстоны ССР, Советон Цæдис[1]
Æмбæстонад (дæлхицауад)	Советон Цæдис
Ахуырад	Хуссар Ирыстоны паддзахадон университет (1940)
Архайды хуыз	фыссæг
Уацмысты æвзаг	ирон
Хорзæхтæ

Йæ уацмысты ’хсæн «Уæ бонтæ хорз, адæм!» (колхозон царды тыххæй) æмæ æндæртæ.

Фæсномыг

Йæ фæсномыг арæзт у йæ мыггаг, йæ ном æмæ йæ фыды номæй: Га — Гаглойты, Фе — Федыр, З — Захар = Гафез.^[3]

Цардафыст

Гафез райгуырди Бакуйы. Йæ фыд уыди нефтгуырæнты кусæг. 1918 азы ралыгъди Хуссар Ирыстонмæ. Ам Федыр каст фæци педтехникум, стæй та пединститут. Уый фæстæ куыста хъæууон скъолайы директорæй, газет «Коммунист»-ы редакцийы.

Фыдыбæстæйы Стыр хæсты райдайæны ацыд æфсадмæ, хæцыди Хъырымы фронты. Йæ хъæбатырдзинады тыххæй йын саккаг кодтой Сырх Стъалыйы орден, æндæр хæрзиуджытæ. Хæсты уæззау цæф фæцис æмæ дыккаг къорды инвалидæй сыздæхт Ирыстонмæ. Куыста газет «Коммунист»-ы редакцийы, журнал «Фидиуæджы» редакторæй, Гуырдзыстоны Фысджыты цæдисы Хуссар Ирыстоны хайады бæрнон секретарæй. Амарди 1983 азы.

Гафез джиппы рауагъта 20 чиныджы бæрц. Сæ сæйрагдæртæ сты «Фарн» (1952), «Уацмыстæ» (1955), «Тулдзы къох» (1956), «Дзаджейы рухс» (1961), «Поэмæтæ» (1963), роман «Уæ бонтæ хорз, адæм» (1966), «Цардбæллон» (1974), «Фыды артдзæст» (1983) æмæ æндæртæ.^[4]