Къамсхо

Къамсхо кæнæ Къамцыхо (уырыс. Камсхо) у Цæгат Ирыстоны Алагиры районы хъæу. Ис Мамысонгомы.

Хъæу
Къамсхо
42°39′43″ с. ш. 43°50′23″ в. д.HGЯO
Паддзахад	Уæрæсе
Федерацийы субъект	Цæгат Ирыстон
Муниципалон район	Алагиры район
Истори æмæ географи
Сахатон таг	UTC+3:00
Цæрджытæ
Цæрджытæ	↗7[1] адæймаджы (2010)
Цифрон идентификатортæ
Телефонон код	+7 86731
Посты индекстæ	363203

Истори

Лисрийы стыр хъугомыл фæндаг цæуы хæххон чысыл хъæу Къамцыхомæ. Йæ цæрджытæ Рæмонтæ æмæ Моураутæ царды фадæттæй ницæмæй цух уыдысты. Сæ хуымзæххытæ: Дзыхъхъы хуымтæ, Æддаг Мухкъо, Къамцыхойы адаг, Церекты хуым уыдысты сæ алыварс, Къамцыхойы, Хъæзджыны æмæ Сæгуытты суæрттæ — сæ цуры. Мамысонгомы дон сæ разы. Саудуры ком, Цыдийы рагъ, Уартау, Къамцыхойы адаг æмæ Цъыфтæ — сæ фосæн парахат хизæнтæ.

Рæмонты уыгæрдæн Саудуры фæз, Цъынауат, Хосгæрст æмæ Лæгæтгомы уыгæрдæн уыдысты хæстæг æмæ æнцонгуыст рæтты.

11-æм æфсады хæйттæ Мамысоны æфцæгыл Гуырдзыйы меньшевикты дæрæн кæнынмæ куы цыдысты, уæд ацы чысыл хъæуы 1921 азы 22 февралы Моурауты Бекамæ æхсæвиуат бакодта С. М. Киров.^[2]

Мыггæгтæ

Цардысты дзы Рæмонтæ, Моураутæ.^[3]