Бетъырбух

Бетъырбух (уырыс. Санкт-Петербург) у Уæрæсейы империйы кæддæры сæйраг сахар, Нева Финнаг бакæлæнмæ кæм æфты, уыцы ран. Абон дæр Уæрæсейы мидæг Бетъырбух тынг ахадгæ сахар у, бæстæйы дыккаг стырдæр. Бетъырбух у, йæ цæрджыты нымæц иу милуанæй фылдæр кæмæн у, дунейы ахæм цæгатагдæр сахар. Цæрынц дзы 5 милуан адæймагæй фылдæр.

Сахар
Бетъырбух
уырыс. Санкт-Петербург
Тырыса Герб
59°57′00″ с. ш. 30°19′00″ в. д.HGЯO
Паддзахад	Уæрæсе
Федерацийы субъект	Бетъырбух
Истори æмæ географи
Бындурæвæрд	1703
Раздæры нæмттæ	1914 азы агъоммæ — Санкт-Петербург 1924 азы агъоммæ — Петроград 1991 азы агъоммæ — Ленинград
Фæзуат	1439 ± 0 км²
Центры бæрзæнд	3 м
Сахатон таг	UTC+3:00
Цæрджытæ
Цæрджытæ	↘5 600 044[1] адæймаджы (2023)
Цифрон идентификатортæ
Телефонон код	+7 812
Посты индекстæ	190000—199406
gov.spb.ru​(уырыс.)
Викикъæбицы медиа

Бетъырбух хæссы Хъæбатыр сахары кадджын ном, йе сконды ис æртæ Хæстон намысы сахары (Кронштадт, Колпино, Ломоносов).

Æрæджы Бетъырбухмæ ралидзын кодтой Уæрæсейы Федерацийы Конституцион тæрхондон.

Боныхъæд

Боныхъæд у ромыл æмæ уымæл. Хурджын бонты растæмбис нымæц афæдзы дæргъы у 62. Зымæгон бонтæ сты иттæг талынг, фанартæ судзынц суткæйы 18 сахаты.

Истори

1703-æм азы 27 майы паддзах Пётр I указмæ гæсгæ Пётр æмæ Павелы гæнахæн йæ бындур сæвæрдтой Невайы дельтæйы. Уыцы цау нымад у Бетъырбухы бындурæвæрды боныл.

Фыдыбæстæйы Стыр хæсты рæстæг уыдис Ленинграды блокадæ.

1955-æм азæй кусы Бетъырбухы метро.

Бетъырбухы бынат ирон культурæйы

Бетъырбух. Зымæгон галуан

Цæугæдон Мойкæ

Бетъырбух ахсы зынгæ бынат нырыккон ирон культурæйы. Ам ахуыр кодтой Хетæгкаты Къоста, Брытъиаты Елбыздыхъо, Абайты Васо æмæ бирæ æндæртæ. Ам XX æнусы райдиан мыхуырæй цыдис фыццаг ирон журналтæй иу — «Хуры тын», зæгъгæ (йæ редактор уыди Брытъиаты Е.).

Ныр дæр Бетъырбухы бирæ ирæттæ цæрынц. Ис дзы Цæгат Ирыстоны минæварад^[2] æмæ ирон æхсæнад дæр.

Æддаг æрмæг

• Iriston.ru: ирон диаспорæтæ (ис дзы Бетъырбухы тыххæй хайад дæр)