Суахили

Суахи́ли (суахилиагау: kiswahili) у бантуйаг æвзæгтæй сæ иууыл стырдæр, стæй Африкæйы континенты тæккæ зынгæдæр æвзæгтæй иу. У бирæхуызон этникон къорды ’хсæн бастдзинады фæрæз æмæ уый охыл ахæлиу ис Скæсæн æмæ Центрон Африкæйы территорийыл (Индийы фурды былгæронæй Конгойы Демократон Республикæйы центрон облæстытæм, æмæ Сомалийæ Мазамбикмæ).

Суахили
kiswahili
Бæстæтæ	Танзани, Угандæ, Конгойы Демократион Республикæ, Кени, Руандæ, Бурунди, Сомали, Коморы сакъадæхтæ, Мозамбик, Малави
Официалон статус	Угандæ  Кени  Танзани  Руандæ
Дзурджыты нымæц	5—10 млн. (фыццаг æвзаг) 50 млн. (дыккаг æвзаг)
Классификаци
Категори	Африкæйы æвзæгтæ
Нигеро-конголезаг æвзæгтæ Бенуэ-конголезаг æвзæгтæ Бантоидаг æвзæгтæ Банту æвзæгтæ
Фыссынад	латинаг алфавит
Æвзæгты кодтæ
ISO 639-1	sw
ISO 639-2	swa
ISO 639-3	swa, swc, swh
ГОСТ 7.75–97	суа 631
WALS	swa
Ethnologue	swa
Linguasphere	99-AUS-m
ABS ASCL	9211
IETF	sw
Glottolog	swah1254
Википеди ацы æвзагыл

Суахили у паддзахадон æвзаг ахæм бæстæты: Танзанийы, Кенийы Республикæйы æмæ Угандæйы. Æвзагæй ма парахатæй пайда кæнынц Руандæйы, Бурундийы, Замбийы, Малавийы, Коморы сакъадæхты æмæ Мадагаскары.

Æндæр æмæ æндæр бæрæггæнæнтæм гæсгæ суахилийыл куыд мадæлоныл дзурынц 2,5–5 милуан адæймаджы. Ноджы 50–70 милуан адæймаджы пайда кæнынц суахилийæ куыд дыккаг æмæ æртыккаг æвзагæй.

Классификаци

Дж. Гринбергы генетикон классификацимæ гæсгæ бантуйаг æвзæгтæ хаст сты нигейраг-конгойаг бинонты бенуэ-конгойаг къордмæ. М. Гасприйы мидклассификацимæ гæсгæ суахили хауы G42-къордмæ: Бантоидон/Хуссайраг/Нарæг (Къаннæг) банту/Центрон/G.

Цымыдисаг зонинæгтæ

Суахили у иунæг ахæм африкæйаг æвзаг, Африкæйы Цæдисы кусæн æвзаджы статус лæвæрд кæмæн уыди (2004-æм азæй фæстæмæ).