ਹੱਕ

ਹੱਕ ਜਾਂ ਅਧਿਕਾਰ ਅਜ਼ਾਦੀ ਅਤੇ ਖ਼ਿਤਾਬੀ ਦੇ ਕਨੂੰਨੀ, ਸਮਾਜੀ ਜਾਂ ਸਦਾਚਾਰੀ ਅਸੂਲ ਹੁੰਦੇ ਹਨ; ਮਤਲਬ ਹੱਕ ਉਹ ਬੁਨਿਆਦੀ ਵਰਤੋਂ-ਵਿਹਾਰੀ ਨਿਯਮ ਹਨ ਜੋ ਦੱਸਦੇ ਹਨ ਕਿ ਕਿਸੇ ਕਨੂੰਨੀ ਇੰਤਜ਼ਾਮ, ਸਮਾਜੀ ਰੀਤ ਜਾਂ ਸਦਾਚਾਰੀ ਸਿਧਾਂਤ ਮੁਤਾਬਕ ਲੋਕਾਂ ਨੂੰ ਕਿਸ ਚੀਜ਼ ਦੀ ਖੁੱਲ੍ਹ ਹੈ।^[1] ਹੱਕਾਂ ਦੀ ਕਨੂੰਨ ਅਤੇ ਨੀਤੀ ਵਿਗਿਆਨ ਵਰਗੇ ਵਿਸ਼ਾ-ਖੇਤਰਾਂ ਵਿੱਚ ਖ਼ਾਸ ਥਾਂ ਹੈ।

ਫ਼ਰਾਂਸ ਵਿੱਚ 1789 ਵਿੱਚ ਇਨਸਾਨ ਅਤੇ ਨਾਗਰਿਕਾਂ ਦੇ ਹੱਕਾਂ ਦਾ ਐਲਾਨ

ਹੱਕਾਂ ਨੂੰ ਆਮ ਤੌਰ ਉੱਤੇ ਰਹਿਤਲ ਦੀ ਬੁਨਿਆਦ ਅਤੇ ਸਮਾਜ ਤੇ ਸੱਭਿਆਚਾਰ ਦੇ ਥੰਮ੍ਹ ਸਮਝਿਆ ਜਾਂਦਾ ਹੈ,^[2] ਅਤੇ ਸਮਾਜੀ ਟਾਕਰਿਆਂ ਦਾ ਅਤੀਤ ਕਿਸੇ ਹੱਕ ਅਤੇ ਉਹਦੇ ਵਿਕਾਸ ਦੇ ਇਤਿਹਾਸ ਵਿੱਚ ਮਿਲ ਜਾਂਦਾ ਹੈ। ਫ਼ਲਸਫ਼ੇ ਦੇ ਸਟੈਨਫ਼ੋਰਡ ਗਿਆਨਕੋਸ਼ ਮੁਤਾਬਕ, "ਹੱਕ ਮੌਜੂਦਾ ਪਛਾਣ ਵਿੱਚ ਸਰਕਾਰਾਂ ਦੀ ਕਿਸਮ, ਕਨੂੰਨਾਂ ਦੀ ਸਮੱਗਰੀ ਅਤੇ ਸਦਾਚਾਰ ਦਾ ਖ਼ਾਕਾ ਘੜਦੇ ਹਨ।"^[1]