ਅਮਾਨ

ਅਮਾਨ (ਅਰਬੀ: عمان ʿਅਮਾਨ ) ਜਾਰਡਨ ਦੀ ਰਾਜਧਾਨੀ ਅਤੇ ਸਭ ਤੋਂ ਵੱਡਾ ਸ਼ਹਿਰ ਹੈ। ਇਹ ਦੇਸ਼ ਦਾ ਰਾਜਨੀਤਕ, ਸੱਭਿਆਚਾਰਕ, ਵਪਾਰਕ ਕੇਂਦਰ ਅਤੇ ਦੁਨੀਆ ਦੇ ਸਭ ਤੋਂ ਪੁਰਾਣੇ ਲਗਾਤਾਰ ਅਬਾਦ ਰਹਿਣ ਵਾਲੇ ਸ਼ਹਿਰਾਂ ਵਿੱਚੋਂ ਇੱਕ ਹੈ। ਅਮਾਨ ਖੇਤਰ ਦੀ ਅਬਾਦੀ 2010 ਤੱਕ 2,842,629 ਸੀ।^[1] ਸਥਾਈ ਅਤੇ ਗਤੀਸ਼ੀਲ ਅਵਾਸ ਕਰ ਕੇ ਇਸ ਦੀ ਅਬਾਦੀ ਦੀ 28 ਲੱਖ ਤੋਂ 65 ਲੱਖ ਤੱਕ ਛਾਲ ਲਾਉਣ ਦੀ ਉਮੀਦ ਹੈ। ਅਮਾਨ ਵਿੱਚ ਹਾਲ ਵਿੱਚ ਹੋਈ ਆਰਥਕ ਤਰੱਕੀ ਦਾ ਗਲਫ਼ ਦੇਸ਼ਾਂ ਦੇ ਸ਼ਹਿਰਾਂ ਤੋਂ ਇਲਾਵਾ ਹੋਰ ਕੋਈ ਅਰਬ ਸ਼ਹਿਰ ਮੁਕਾਬਲਾ ਨਹੀਂ ਕਰ ਸਕ ਰਿਹਾ।^[2] ਇਹ ਇਸੇ ਨਾਂ ਦੀ ਰਾਜਪਾਲੀ ਦਾ ਵੀ ਪ੍ਰਾਸ਼ਾਸਕੀ ਟਿਕਾਣਾ ਹੈ। ਵਿਸ਼ਵ ਸ਼ਹਿਰ ਕ੍ਰਮ-ਸੂਚੀ ਵਿੱਚ ਇਸ ਨੂੰ ਗਾਮਾ ਸ਼ਹਿਰ ਦਾ ਦਰਜਾ ਦਿੱਤਾ ਗਿਆ ਹੈ।

ਅਮਾਨ