ਆਲ ਇੰਡੀਆ ਇੰਸਟੀਚਿਊਟ ਆਫ਼ ਮੈਡੀਕਲ ਸਾਇੰਸਜ਼, ਬਠਿੰਡਾ

ਆਲ ਇੰਡੀਆ ਇੰਸਟੀਚਿਊਟ ਆਫ ਮੈਡੀਕਲ ਸਾਇੰਸਜ਼, ਬਠਿੰਡਾ ( ਏਮਜ਼ ਬਠਿੰਡਾ ) ਇੱਕ ਮੈਡੀਕਲ ਕਾਲਜ ਅਤੇ ਮੈਡੀਕਲ ਰਿਸਰਚ ਪਬਲਿਕ ਯੂਨੀਵਰਸਿਟੀ ਹੈ ਜੋ ਬਠਿੰਡਾ, ਪੰਜਾਬ, ਭਾਰਤ ਵਿੱਚ ਸਥਿਤ ਹੈ। ^[1] ਆਲ ਇੰਡੀਆ ਇੰਸਟੀਚਿਊਟ ਆਫ ਮੈਡੀਕਲ ਸਾਇੰਸਜ਼ ਵਿਚੋਂ ਇਕ ਹੋਣ ਦੇ ਨਾਤੇ, ਇਹ ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲੇ ਅਧੀਨ ਖੁਦਮੁਖਤਿਆਰੀ ਨਾਲ ਕੰਮ ਕਰਦਾ ਹੈ। ਏਮਜ਼ ਇੰਸਟੀਚਿਊਟ ਲਈ ਪੰਜਾਬ ਸਰਕਾਰ ਤਰਫੋਂ ਪੰਜਾਬ ਖੇਤੀ ਵਰਸਿਟੀ ਦੀ ਖੇਤੀ ਖੋਜਾਂ ਵਾਲੀ ਕਰੀਬ 170 ਏਕੜ ਜ਼ਮੀਨ ਦਿੱਤੀ ਗਈ ਹੈ।^[2][3] ਇਹ ਸੰਸਥਾ 23 ਦਸੰਬਰ 2019 ਨੂੰ ਆਮ ਲੋਕਾਂ ਲਈ ਚਾਲੂ ਹੋ ਗਈ ਹੈ।^[4][5] ਭਾਰਤ ਦੇਕੇਂਦਰੀ ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰੀ ਡਾ. ਹਰਸ਼ ਵਰਧਨ ਨੇ ਬਠਿੰਡਾ ਏਮਜ਼ ਦੀ ‘ਓਪੀਡੀ ਸੇਵਾ’ ਦਾ ਉਦਘਾਟਨ ਕੀਤਾ।^[6]ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ 25 ਨਵੰਬਰ, 2016 ਨੂੰ ਏਮਜ਼ ਦਾ ਨੀਂਹ ਪੱਥਰ ਰੱਖਿਆ ਸੀ ਅਤੇ ਕੇਂਦਰੀ ਮੰਤਰੀ ਹਰਸਿਮਰਤ ਕੌਰ ਬਾਦਲ ਨੇ 24 ਅਗਸਤ ਨੂੰ ਟੱਕ ਲਾ ਕੇ ਇਸ ਦੀ ਸ਼ੁਰੂਆਤ ਕੀਤੀ ਸੀ।^[7]

ਆਲ ਇੰਡੀਆ ਇੰਸਟੀਚਿਊਟ ਆਫ ਮੈਡੀਕਲ ਸਾਇੰਸਿਜ਼, ਬਠਿੰਡਾ

ਮਾਟੋ	Sharīramādyam khalu dharmasādhanam (Sanskrit)
ਅੰਗ੍ਰੇਜ਼ੀ ਵਿੱਚ ਮਾਟੋ	"ਸਰੀਰ ਦਰਅਸਲ ਧਰਮ ਦਾ ਮੁੱਢਲਾ ਸਾਧਨ ਹੈ।"
ਕਿਸਮ	ਜਨਤਕ
ਸਥਾਪਨਾ	2019
ਪ੍ਰਧਾਨ	ਸੁਰੇਸ਼ ਚੰਦਰ ਸ਼ਰਮਾ
ਡਾਇਰੈਕਟਰ	ਦਿਨੇਸ਼ ਕੁਮਾਰ ਸਿੰਘ
ਅੰਡਰਗ੍ਰੈਜੂਏਟ]]	50
ਟਿਕਾਣਾ	ਬਠਿੰਡਾ , ਪੰਜਾਬ , ਭਾਰਤ 30°9′42.12″N 74°55′34.68″E
ਕੈਂਪਸ	ਸ਼ਹਿਰੀ 177 acres (0.72 km2)
ਵੈੱਬਸਾਈਟ	aiimsbathinda.edu.in

ਇਤਿਹਾਸ

ਬਠਿੰਡਾ ਵਿਖੇ ਏਮਜ਼ ਲਈ ਨੀਂਹ ਪੱਥਰ ਨਵੰਬਰ 2016 ਵਿਚ ਰੱਖਿਆ ਗਿਆ ਸੀ। ^[8] ਏਮਜ਼ ਬਠਿੰਡਾ ਨੂੰ 177 ਏਕੜ ਰਕਬੇ ਵਿਚ 750 ਬਿਸਤਰਿਆਂ ਵਾਲਾ ਮੈਡੀਕਲ ਇੰਸਟੀਚਿਊਟ ਬਣਾਉਣ ਦੀ ਯੋਜਨਾ ਉਲੀਕੀ ਗਈ, ਜਿਸ ਵਿਚ 10 ਸਪੈਸ਼ਲਿਟੀ, 11 ਸੁਪਰ ਸਪੈਸ਼ਲਿਟੀ ਵਿਭਾਗ ਅਤੇ 16 ਆਪ੍ਰੇਸ਼ਨ ਥੀਏਟਰ ਹੋਣ। ਕੇਂਦਰੀ ਇੰਸਟੀਚਿਊਟ ਵਿਚ 100 ਸੀਟਾਂ ਐੱਮ.ਬੀ.ਬੀ.ਐਸ ਅਤੇ 60 ਸੀਟਾਂ ਬੀ.ਐੱਸ.ਸੀ. ਨਰਸਿੰਗ ਦੀਆਂ ਹੋਣਗੀਆਂ, ਜਿਨ੍ਹਾਂ ਦੇ ਦਾਖ਼ਲੇ ਲਈ ਪ੍ਰਕਿਰਿਆ ਸ਼ੁਰੂ ਕੀਤੀ ਗਈ ਹੈ^[7]। ^[9] ਇਹ 50 ਐਮਬੀਬੀਐਸ ਵਿਦਿਆਰਥੀਆਂ ਦੇ ਪਹਿਲੇ ਸਮੂਹ ਦੇ ਨਾਲ ਕਾਰਜਸ਼ੀਲ ਹੋ ਗਿਆ ਅਤੇ 2019 ਵਿੱਚ ਕਾਰਜਸ਼ੀਲ ਛੇ ਏਮਜ਼ ਵਿਚੋਂ ਇੱਕ ਬਣ ਗਿਆ। ਇਸ ਦਾ ਆਊਟ ਪੇਸ਼ੈਂਟ ਵਿਭਾਗ (ਓਪੀਡੀ) ਦਾ ਉਦਘਾਟਨ ਦਸੰਬਰ 2019 ਵਿੱਚ ਹੋਇਆ ਸੀ, ਅਤੇ ਸੰਸਥਾ ਦੇ ਅੱਧ -2020 ਵਿੱਚ ਪੂਰੀ ਤਰ੍ਹਾਂ ਚਾਲੂ ਹੋਣ ਦੀ ਉਮੀਦ ਸੀ। ^[10] ਪੋਸਟ ਗ੍ਰੈਜੂਏਟ ਇੰਸਟੀਚਿਊਟ ਆਫ ਮੈਡੀਕਲ ਐਜੂਕੇਸ਼ਨ ਐਂਡ ਰਿਸਰਚ (ਪੀ ਜੀ ਆਈ ਐਮ ਈ ਆਰ ) ਨੂੰ ਅਗਸਤ 2019 ਵਿੱਚ ਇਸਦੀ ਸਲਾਹਕਾਰ ਸੰਸਥਾ ਨਿਯੁਕਤ ਕੀਤਾ ਗਿਆ ਸੀ ^[11] ਅਤੇ ਦਿਨੇਸ਼ ਕੁਮਾਰ ਸਿੰਘ ਨੂੰ ਮਾਰਚ 2020 ਵਿਚ ਡਾਇਰੈਕਟਰ ਨਿਯੁਕਤ ਕੀਤਾ ਗਿਆ ਸੀ। ^[12]

ਕੈਂਪਸ

ਏਮਜ਼ ਬਠਿੰਡਾ ਦੇ ਐਮਬੀਬੀਐਸ ਦਾ ਪਹਿਲਾ ਬੈਚ ਬਾਬਾ ਫਰੀਦ ਯੂਨੀਵਰਸਿਟੀ ਆਫ਼ ਹੈਲਥ ਸਾਇੰਸਿਜ਼ (ਬੀਐਫਯੂਐਚਐਸ) ਫਰੀਦਕੋਟ ਕੈਂਪਸ ਵਿੱਚ ਆਰਜ਼ੀ ਤੌਰ ਤੇ ਆਰੰਭ ਹੋਇਆ ਕਿਉਂਕਿ ਏਮਜ਼ ਕੈਂਪਸ ਬਠਿੰਡਾ-ਡੱਬਵਾਲੀ ਸੜਕ ਦੇ ਨਿਰਮਾਣ ਅਧੀਨ ਸੀ। ^[13]

ਦਾਖਲੇ

ਏਮਜ਼ ਬਠਿੰਡਾ ਨੂੰ ਪਹਿਲੇ ਸੈਸ਼ਨ ਲਈ 52 ਸੀਟਾਂ ਅਲਾਟ ਕੀਤੀਆਂ ਗਈਆਂ ਹਨ ਜਿਸ ਵਿਚ 24 ਸੀਟਾਂ ਆਮ ਸ਼੍ਰੇਣੀ ਦੇ ਵਿਦਿਆਰਥੀਆਂ ਲਈ ਹਨ, 14 ਸੀਟਾਂ ਓਬੀਸੀ ਲਈ, 8 ਅਨੁਸੂਚਿਤ ਜਾਤੀਆਂ ਲਈ, 4 ਐਸਟੀ ਵਿਦਿਆਰਥੀਆਂ ਲਈ ਰਾਖਵੀਆਂ ਹਨ ਅਤੇ 2 ਸੀਟਾਂ ਅਪੰਗ ਵਿਅਕਤੀਆਂ ਲਈ ਰਾਖਵੀਂਆਂ ਹਨ। ^[14]

ਅਧਿਕਾਰਿਕ ਵੈੱਬਸਾਈਟ

• https://aiimsbathinda.edu.in/

ਗੈਲਰੀ