ਏਰਿਸ਼ ਮਰੀਆ ਰਿਮਾਰਕ
ਜਰਮਨ ਨਾਵਲਕਾਰ From Wikipedia, the free encyclopedia
Remove ads
ਏਰਿਸ਼ ਮਰੀਆ ਰਿਮਾਰਕ[1] (ਜਨਮ ਸਮੇਂ ਏਰਿਸ਼ ਪੌਲ ਰਿਮਾਰਕ; 22 ਜੂਨ 1898 – 25 ਸਤੰਬਰ 1970) ਇੱਕ ਜਰਮਨਨਾਵਲਕਾਰ ਸੀ ਜਿਸ ਨੇ ਯੁੱਧ ਦੇ ਭਿਆਨਕ ਚਿਹਰੇ ਬਾਰੇ ਬਹੁਤ ਸਾਰੇ ਨਾਵਲ ਲਿਖੇ ਹਨ। ਉਸ ਦਾ ਸਭ ਤੋਂ ਮਸ਼ਹੂਰ ਨਾਵਲ ਆਲ ਕੁਏਟ ਆਨ ਦ ਵੈਸਟਰਨ ਫਰੰਟ (1928), ਪਹਿਲੀ ਵਿਸ਼ਵ ਜੰਗ ਦੇ ਜਰਮਨ ਫ਼ੌਜੀ ਜਵਾਨਾਂ ਬਾਰੇ ਹੈ। ਇਸ ਉੱਤੇ ਆਸਕਰ ਵਿਜੇਤਾ ਫਿਲਮ ਬਣਾਈ ਗਈ ਸੀ। ਉਸ ਦੀ ਕਿਤਾਬ ਨੇ ਉਸ ਨੂੰ ਨਾਜ਼ੀਆਂ ਦਾ ਦੁਸ਼ਮਣ ਬਣਾ ਦਿੱਤਾ, ਅਤੇ ਉਨ੍ਹਾਂ ਨੇ ਉਸਦੀਆਂ ਕਈ ਲਿਖਤਾਂ ਨੂੰ ਅੱਗ ਦੇ ਹਵਾਲੇ ਕਰ ਦਿੱਤਾ ਸੀ।
Remove ads
ਸ਼ੁਰੂ ਦਾ ਜੀਵਨ
ਏਰਿਸ਼ ਮਰੀਆ ਰਿਮਾਰਕ ਦਾ ਜਨਮ 22 ਜੂਨ 1898 ਨੂੰ ਜਰਮਨ ਸ਼ਹਿਰ ਓਸਨਾਬਰੁਕ ਵਿੱਚ ਰੋਮਨ ਕੈਥੋਲਿਕ ਪਰਿਵਾਰ ਦੇ ਪੀਟਰ ਫ਼੍ਰਾਂਜ਼ ਰਿਮਾਰਕ (14 ਜੂਨ, 1867, ਕੈਸਰਸਵਰਥ) ਅਤੇ ਅੰਨਾ ਮਾਰੀਆ (ਜਨਮ ਸਮੇਂ ਸਤਾਲਕੇਖ਼ਟ, 21 ਨਵੰਬਰ 1871, ਕੈਟਰਨਬਰਗ) ਤੋਂ ਹੋਇਆ ਸੀ।[2]
ਕੈਰੀਅਰ
ਫੌਜੀ ਅਤੇ ਨਾਗਰਿਕ ਕੰਮ
ਪਹਿਲੇ ਵਿਸ਼ਵ ਯੁੱਧ ਦੌਰਾਨ ਰਿਮਾਰਕ ਨੂੰ 18 ਸਾਲ ਦੀ ਉਮਰ ਵਿੱਚ ਜਰਮਨ ਫ਼ੌਜ ਵਿੱਚ ਜਬਰੀ ਭਰਤੀ ਕਰ ਗਿਆ ਸੀ। 12 ਜੂਨ 1917 ਨੂੰ, ਉਸ ਨੂੰ ਪੱਛਮੀ ਫਰੰਟ ਤੇ ਹੇਮ ਲੇਨਗਲੇਟ ਦੇ ਦੂਜੇ ਗਾਰਡ ਰਿਜਰਵ ਡਿਵੀਜ਼ਨ ਦੀ ਦੂਜੀ ਕੰਪਨੀ, ਰਿਜ਼ਰਵਜ਼, ਫੀਲਡ ਡਿਪੂ, ਵਿੱਚ ਬਦਲ ਦਿੱਤਾ ਗਿਆ। 26 ਜੂਨ ਨੂੰ, ਉਹ 15ਵੀਂ ਰਿਜ਼ਰਵ ਇਨਫੈਂਟਰੀ ਰੈਜਮੈਂਟ, ਦੂਜੀ ਕੰਪਨੀ, ਇੰਜੀਨੀਅਰ ਪਲੈਟੂਨ ਬੇਥੇ ਤੇ ਨਿਯੁਕਤ ਕੀਤਾ ਗਿਆ ਅਤੇ ਤੋਰਹਾਟ ਅਤੇ ਹੌਥੁਲਸਟ ਵਿਚਕਾਰ ਨਿਯੁਕਤ ਕੀਤਾ ਗਿਆ। 31 ਜੁਲਾਈ ਨੂੰ, ਉਹ ਖੱਬੀ ਲੱਤ, ਸੱਜੀ ਬਾਂਹ ਅਤੇ ਗਰਦਨ ਵਿੱਚ ਛਰਰੇ ਲੱਗਣ ਨਾਲ ਜਖਮੀ ਹੋ ਗਿਆ ਸੀ ਅਤੇ ਜਰਮਨੀ ਵਿੱਚ ਫੌਜ ਦੇ ਇੱਕ ਹਸਪਤਾਲ ਵਿੱਚ ਵਾਪਸ ਭੇਜਿਆ ਗਿਆ ਸੀ।
ਜੰਗ ਦੇ ਬਾਅਦ ਉਸਨੇ ਆਪਣੀ ਅਧਿਆਪਕ ਦੀ ਸਿਖਲਾਈ ਜਾਰੀ ਰੱਖੀ ਅਤੇ 1 ਅਗਸਤ 1919 ਨੂੰ ਲੋਹਨੇ (ਉਸ ਸਮੇਂ, ਲਿੰਗੇਨ ਕਾਉਂਟੀ ਵਿੱਚ, ਹੁਣ ਬੈਂਟਾਈਮ ਕਾਉਂਟੀ ਵਿੱਚ) ਦੇ ਇੱਕ ਪ੍ਰਾਇਮਰੀ ਸਕੂਲ ਵਿੱਚ ਅਧਿਆਪਕ ਦੇ ਤੌਰ ਤੇ ਕੰਮ ਕੀਤਾ। ਮਈ 1920 ਤੋਂ ਉਸਨੇ ਕਲੇਨ ਬੇਰਸੇਨ ਵਿੱਚ ਸਾਬਕਾ ਹਮਲਿੰਗ ਕਾਊਂਟੀ (ਹੁਣ ਐਮਸਲੈਂਡ) ਵਿੱਚ ਕੰਮ ਕੀਤਾ ਅਤੇ ਅਗਸਤ 1920 ਤੋਂ ਨਾਹਨੇ ਵਿੱਚ, ਜੋ 1972 ਤੋਂ ਓਸਨਾਬਰੁਕ ਦਾ ਹਿੱਸਾ ਹੈ। 20 ਨਵੰਬਰ 1920 ਨੂੰ ਉਸਨੇ ਸਿੱਖਿਆ ਤੋਂ ਗੈਰਹਾਜ਼ਰੀ ਲਈ ਛੁੱਟੀ ਲਈ ਅਰਜ਼ੀ ਦਿੱਤੀ।
ਨਾਵਲਕਾਰ
16 ਸਾਲ ਦੀ ਉਮਰ ਵਿਚ, ਰਿਮਾਰਕ ਨੇ ਲਿਖਾਰੀ ਦੇ ਰੂਪ ਵਿੱਚ ਆਪਣਾ ਕੰਮ ਕਰਨ ਦੀ ਆਪਣੀ ਪਹਿਲੀ ਕੋਸ਼ਿਸ਼ ਕੀਤੀ ਸੀ; ਇਸ ਵਿੱਚ ਲੇਖ, ਕਵਿਤਾਵਾਂ ਅਤੇ ਇੱਕ ਨਾਵਲ ਦੀ ਸ਼ੁਰੂਆਤ ਸ਼ਾਮਲ ਹੈ ਜੋ ਬਾਅਦ ਵਿੱਚ ਮੁਕੰਮਲ ਹੋ ਗਿਆ ਸੀ ਅਤੇ 1920 ਵਿੱਚ 'ਸੁਪਨਿਆਂ ਵਾਲਾ ਕਮਰਾ (Die Traumbude) ਦੇ ਰੂਪ ਵਿੱਚ ਛਾਪਿਆ ਗਿਆ ਸੀ। ਜਦੋਂ ਉਸਨੇ ਪੱਛਮੀ ਮੁਹਾਜ਼ ਤੇ ਸਾਰੇ ਸ਼ਾਂਤ (Im Westen nichts Neues) ਪ੍ਰਕਾਸ਼ਿਤ ਕੀਤਾ, ਰਿਮਾਰਕ ਨੇ ਆਪਣੀ ਮਾਂ ਦੀ ਯਾਦ ਵਿੱਚ ਆਪਣੇ ਨਾਮ ਦਾ ਵਿੱਚਕਾਰਲਾ ਹਿੱਸਾ ਬਦਲ ਲਿਆ ਅਤੇ ਪਰਿਵਾਰ ਦੇ ਨਾਮ ਦੇ ਪਹਿਲਾਂ ਵਾਲੇ ਸਪੈਲਿੰਗ ਮੁੜ ਵਰਤ ਲਏ ਜੋ ਆਪਣੇ ਨਾਵਲ 'ਡਾਈ ਟ੍ਰਾਂਬੁਡ' ਤੋਂ ਆਪਣੇ ਆਪ ਨੂੰ ਵੱਖ ਕਰਨ ਲਵੇ। [3] ਪਰਵਾਰ ਦੇ ਮੂਲ ਨਾਂ, Remarque, ਨੂੰ 19ਵੀਂ ਸਦੀ ਵਿੱਚ ਆਪਣੇ ਦਾਦੇ ਨੇ ਬਦਲ ਕੇ Remark ਕਰ ਦਿੱਤਾ ਸੀ।
1927 ਵਿਚ, ਰਿਮਾਰਕ ਨੇ ਦੁਮੇਲ ਤੇ ਸਟੇਸ਼ਨ (ਸਟੇਸ਼ਨ ਅਮ ਹਰੀਜ਼ੋਂਟ) ਦੇ ਨਾਵਲ ਨਾਲ ਦੂਜੀ ਸਾਹਿਤਕ ਸ਼ੁਰੂਆਤ ਕੀਤੀ, ਜਿਸ ਨੂੰ ਸਪੋਰਟਸ ਜਰਨਲ 'ਸਪੋਰਟ ਈਮ ਬਿਲਡ', ਜਿਸ ਲਈ ਰਿਮਾਰਕ ਕੰਮ ਕਰ ਰਿਹਾ ਸੀ, ਵਿੱਚ ਲੜੀਬੱਧ ਪ੍ਰਕਾਸ਼ਿਤ ਕੀਤਾ ਗਿਆ ਸੀ। ਇਹ ਕਿਤਾਬ ਦੇ ਰੂਪ ਵਿੱਚ ਸਿਰਫ 1998 ਵਿੱਚ ਛਾਪਿਆ ਗਿਆ ਸੀ। ਪੱਛਮੀ ਫਰੰਟ ਤੇ ਸਭ ਸ਼ਾਂਤ (Im Westen nichts Neues) ਸੰਕੇਤ 1927 ਵਿੱਚ ਲਿਖ਼ਿਆ ਗਿਆ ਸੀ, ਪਰ ਰਿਮਾਰਕ ਕੋਈ ਪ੍ਰਕਾਸ਼ਕ ਲੱਭਣ ਦੇ ਸਮਰੱਥ ਨਹੀਂ ਸੀ। 1929 ਵਿੱਚ ਪ੍ਰਕਾਸ਼ਿਤ ਨਾਵਲ ਨੇ ਪਹਿਲੇ ਵਿਸ਼ਵ ਯੁੱਧ ਦੌਰਾਨ ਜਰਮਨ ਸਿਪਾਹੀਆਂ ਦੇ ਤਜਰਬਿਆਂ ਦਾ ਵਰਣਨ ਕੀਤਾ। ਇਸ ਤਰ੍ਹਾਂ ਦੇ ਕਈ ਕੰਮ ਕੀਤੇ ਗਏ; ਉਨ੍ਹਾਂ ਵਿੱਚ ਸਧਾਰਨ, ਭਾਵਨਾਤਮਕ ਭਾਸ਼ਾ ਵਿੱਚ ਉਹ ਯੁੱਧ ਸਮੇਂ ਅਤੇ ਲੜਾਈ ਦੇ ਬਾਅਦ ਦੇ ਸਾਲਾਂ ਬਾਰੇ ਦੱਸਦੇ ਹਨ। 1931 ਵਿੱਚ, ਵਾਪਸ ਸੜਕ (Der Weg zurück) ਦੀ ਸਮਾਪਤੀ ਤੋਂ ਬਾਅਦ, ਰਿਮਾਰਕ ਨੇ ਉਥੇ ਅਤੇ ਫਰਾਂਸ ਵਿੱਚ ਰਹਿਣ ਦੀ ਯੋਜਨਾ ਬਣਾਉਂਦਿਆਂ ਸਵਿਟਜ਼ਰਲੈਂਡ ਦੇ ਪੋਰਟੋ ਰੋਂਕੋ ਵਿੱਚ ਇੱਕ ਵਿਲਾ ਖਰੀਦਿਆ।
Remove ads
ਹਵਾਲੇ
Wikiwand - on
Seamless Wikipedia browsing. On steroids.
Remove ads