ਐਮਾ ਵਾਟਸਨ

ਐਮਾ ਸ਼ਾਰਲੈਟ ਡੁਅਰੇ ਵਾਟਸਨ (ਜਨਮ 15 ਅਪਰੈਲ 1990) ਇੱਕ ਅੰਗਰੇਜ਼ੀ ਅਦਾਕਾਰਾ, ਮਾਡਲ ਅਤੇ ਕਾਰਜਕਰਤਾ ਹੈ। ਪੈਰਿਸ ਵਿੱਚ ਪੈਦਾ ਹੋਈ ਅਤੇ ਆਕਸਫੋਰਡਸ਼ਾਇਰ ਵਿੱਚ ਪਲੀ ਵਾਟਸਨ ਨੇ ਡ੍ਰੈਗਨ ਸਕੂਲ ਵਿੱਚ ਹਿੱਸਾ ਲਿਆ ਅਤੇ ਸਟੇਜਕੋਚ ਥੀਏਟਰ ਆਰਟਸ ਦੀ ਔਕਸਫੋਰਡ ਬ੍ਰਾਂਚ ਤੋਂ ਅਦਾਕਾਰਾ ਵਜੋਂ ਸਿਖਲਾਈ ਪ੍ਰਾਪਤ ਕੀਤੀ। ਉਹ ਹੈਰੀ ਪੋਟਰ ਫ਼ਿਲਮ ਲੜੀ ਵਿੱਚ ਹਰਮਾਈਨੀ ਗ੍ਰੇਜਰ ਦੀ ਭੂਮਿਕਾ ਅਦਾ ਕਰਨ ਤੋਂ ਬਾਅਦ ਪ੍ਰਮੁੱਖਤਾ ਪ੍ਰਾਪਤ ਹੋਈ।^[4] ਉਹ 2001 ਤੋਂ 2011 ਤੱਕ ਦੀਆਂ ਅੱਠ ਹੈਰੀ ਪੋਟਰ ਫਿਲਮਾਂ ਵਿੱਚ ਨਜ਼ਰ ਆਈ ਹੈ।

ਐਮਾ ਵਾਟਸਨ
ਕਾਨ ਫ਼ਿਲਮ ਫੈਸਟੀਵਲ 2013 ਵਿਖੇ ਵਾਟਸਨ
ਜਨਮ	ਐਮਾ ਸ਼ਾਰਲੈਟ ਡੁਅਰੇ ਵਾਟਸਨ[1] (1990-04-15) 15 ਅਪ੍ਰੈਲ 1990 (ਉਮਰ 35)[2] ਪੈਰਿਸ, ਫ਼ਰਾਂਸ
ਰਾਸ਼ਟਰੀਅਤਾ	ਬ੍ਰਿਟਿਸ਼[3]
ਅਲਮਾ ਮਾਤਰ	ਬ੍ਰਾਉਨ ਯੂਨੀਵਰਸਿਟੀ (ਬੀ.ਏ.)
ਪੇਸ਼ਾ	ਅਦਾਕਾਰਾ ਮਾਡਲ ਕਾਰਜਕਰਤਾ
ਸਰਗਰਮੀ ਦੇ ਸਾਲ	1999–ਹੁਣ ਤੱਕ

ਹੈਰੀ ਪੋਟਰ ਲੜੀ ਤੋਂ ਇਲਾਵਾ ਉਹ 2007 ਵਿੱਚ ਬੈਲੇਟ ਸ਼ੂ ਨਾਵਲ ਦੇ ਟੈਲੀਵੀਜ਼ਨ ਰੂਪ ਵਿੱਚ ਅਤੇ 2008 ਵਿੱਚ ਦ ਟੇਲ ਆਫ ਡੇਸਪਰੇਆਕਸ ਵਿੱਚ ਆਪਣੀ ਅਵੲਜ਼ ਦਿੰਦੀ ਨਜ਼ਰ ਆਈ ਸੀ। ਉਸਨੇ ਮਾਈ ਵੀਕ ਵਿਦ ਮੈਰਲਿਨ (2011), ਦੀ ਪਰਕ ਆਫ਼ ਬੀਇੰਗ ਵਾਲਫਲਾਵਰ (2012), ਦੀ ਬਲਿੰਗ ਰਿੰਗ (2013), ਦਿਸ ਇਜ਼ ਦੀ ਇੰਡ(2013), ਨੂਹ (2014)^[5] ਵਰਗੀਆਂ ਕਈ ਫ਼ਿਲਮਾਂ ਵਿੱਚ ਕੰਮ ਕੀਤਾ। 2017 ਵਿੱਚ, ਉਸ ਨੇ ਸੰਗੀਤ ਰੋਮਾਂਟਿਕ ਫ਼ਲਸਫ਼ੇ ਦੀ ਫ਼ਿਲਮ ਬਿਊਟੀ ਐਂਡ ਦਿ ਬੀਸਟ ਵਿੱਚ ਬੈਲੇ ਦਾ ਕਿਰਦਾਰ ਨਿਭਾੲਇਆ। ਇਸ ਤੋਂ ਬਾਅਦ ਉਸਦੀਆਂ ਰੈਗਰੈਸ਼ਨ (2015), ਕੋਲੋਨੀਆ (2015) ਅਤੇ ਦ ਸਰਕਲ (2017) ਫ਼ਿਲਮਾਂ ਆਈਆਂ।

2011 ਤੋਂ 2014, ਵਾਟਸਨ ਨੇ ਫ਼ਿਲਮ ਪ੍ਰੋਜੈਕਟਾਂ 'ਤੇ ਕੰਮ ਕਰਨ ਲਈ ਆਪਣਾ ਸਮਾਂ ਵੰਡਿਆ ਅਤੇ ਆਕਸਫੋਰਡ ਵਿੱਚ ਬ੍ਰਾਉਨ ਯੂਨੀਵਰਸਿਟੀ ਅਤੇ ਵਰਸੇਸਟਰ ਕਾਲਜ, ਆਕਸਫੋਰਡ ਵਿੱਚ ਪੜ੍ਹਾਈ ਕਰਦਿਆਂ, ਮਈ 2014 ਵਿੱਚ ਬ੍ਰਾਉਨ ਯੂਨੀਵਰਸਿਟੀ ਤੋਂ ਅੰਗਰੇਜ਼ੀ ਸਾਹਿਤ ਵਿੱਚ ਬੈਚਲਰ ਡਿਗਰੀ ਪ੍ਰਾਪਤ ਕੀਤੀ।^[6] ਉਸ ਦੇ ਮਾਡਲਿੰਗ ਕਰੀਅਰ ਵਿੱਚ ਬੁਰਬਰੀ ਅਤੇ ਲੈਨਕੋਮ ਲਈ ਮੁਹਿੰਮਾਂ ਸ਼ਾਮਲ ਹਨ।^[7][8] 2014 ਵਿੱਚ ਬ੍ਰਿਟਿਸ਼ ਅਕੈਡਮੀ ਆਫ ਫਿਲਮ ਐਂਡ ਟੈਲੀਵਿਜ਼ਨ ਆਰਟਸ ਨੇ ਵਾਟਸਨ ਨੂੰ ਬ੍ਰਿਟਿਸ਼ ਆਰਟਿਸਟ ਆਫ ਦੀ ਈਅਰ ਖ਼ਿਤਾਬ ਨਾਲ ਸਨਮਾਨਿਤ ਕੀਤਾ।^[9] ਉਸੇ ਸਾਲ, ਉਸ ਨੂੰ ਯੂ.ਐਨ. ਵੂਮੈਨ ਵਿੱਚ ਸਦਭਾਵਨਾ ਰਾਜਦੂਤ ਨਿਯੁਕਤ ਕੀਤਾ ਗਿਆ ਅਤੇ ਉਸਨੇ ਯੂ.ਐਨ. ਵੂਮੈਨ ਦੇ ਹੀ ਫਾਰ ਸ਼ੀ ਅਭਿਆਨ ਵਿੱਚ ਸਹਾਇਤਾ ਕੀਤੀ, ਜਿਸ ਵਿੱਚ ਲਿੰਗ ਬਰਾਬਰੀ ਦੀ ਮੰਗ ਕੀਤੀ ਗਈ ਹੈ।^[10]

ਮੁੱਢਲਾ ਜੀਵਨ

ਵਾਟਸਨ ਪੈਰਿਸ, ਫਰਾਂਸ ਵਿੱਚ ਪੈਦਾ ਹੋਈ ਸੀ ਅਤੇ ਅੰਗਰੇਜ਼ੀ ਦੇ ਵਕੀਲਾਂ ਜੈਕਲੀਨ ਲੋਇਸਬੀ ਅਤੇ ਕ੍ਰਿਸ ਵਾਟਸਨ ਦੀ ਧੀ ਸੀ।^[11][12][13] ਉਹ ਪੰਜ ਸਾਲ ਦੀ ਉਮਰ ਤੱਕ ਪੈਰਿਸ ਵਿੱਚ ਰਹੀ ਜਦੋਂ ਉਹ ਛੋਟੀ ਉਮਰ ਵਿੱਚ ਸੀ ਤਾਂ ਉਸ ਦੇ ਮਾਤਾ-ਪਿਤਾ ਤੋਂ ਵੱਖ ਹੋ ਗਏ ਅਤੇ ਉਹਨਾਂ ਦੇ ਤਲਾਕ ਤੋਂ ਬਾਅਦ ਵਾਟਸਨ ਆਕਸਫੋਰਡਸ਼ਾਇਰ ਵਿੱਚ ਆਪਣੀ ਮਾਂ ਨਾਲ ਰਹਿਣ ਲਈ ਇੰਗਲੈਂਡ ਵਾਪਸ ਆ ਗਈ, ਜਦੋਂ ਕਿ ਹਫ਼ਤੇ ਦਾ ਅਖ਼ੀਰਲਾ ਦਿਨ ਲੰਡਨ ਵਿੱਚ ਆਪਣੇ ਪਿਤਾ ਦੇ ਘਰ ਬਿਤਾਉਂਦੀ ਸੀ।^[11][14] ਉਸਨੇ ਔਕਸਫੋਰਡ ਦੇ ਡ੍ਰੈਗਨ ਸਕੂਲ ਵਿੱਚ ਹਿੱਸਾ ਲਿਆ ਅਤੇ 2003 ਤੱਕ ਉਥੇ ਰਹੀ। ਛੇ ਸਾਲ ਦੀ ਉਮਰ ਤੋਂ ਉਹ ਇੱਕ ਅਦਾਕਾਰਾ ਬਣਨਾ ਚਾਹੁੰਦੀ ਸੀ ਅਤੇ ਇੱਕ ਪਾਰਟ-ਟਾਈਮ ਥੀਏਟਰ ਸਕੂਲ, ਸਟੇਜਕੋਚ ਥੀਏਟਰ ਆਰਟਸ ਦੇ ਆਕਸਫੋਰਡ ਬ੍ਰਾਂਚ ਵਿੱਚ ਸਿਖਲਾਈ ਪ੍ਰਾਪਤ ਕੀਤੀ, ਜਿੱਥੇ ਉਸਨੇ ਗਾਉਣ, ਨੱਚਣ ਦਾ ਅਧਿਐਨ ਵੀ ਕੀਤਾ।^[15]

ਦਸ ਸਾਲ ਦੀ ਉਮਰ ਤੱਕ, ਵਾਟਸਨ ਨੇ ਵੱਖ-ਵੱਖ ਸਟੇਜਕੋਚ ਪ੍ਰੋਡਕਸ਼ਨ ਅਤੇ ਸਕੂਲ ਦੇ ਨਾਟਕਾਂ ਵਿੱਚ ਪ੍ਰਦਰਸ਼ਨ ਕੀਤਾ ਸੀ ਪਰ ਉਸ ਨੇ ਹੈਰੀ ਪੋਟਰ ਲੜੀ ਤੋਂ ਪਹਿਲਾਂ ਕਿਧਰੇ ਵੀ ਪੇਸ਼ਾਵਰ ਤੌਰ ਤੇ ਕੰਮ ਨਹੀਂ ਕੀਤਾ ਸੀ। ਡ੍ਰੈਗਨ ਸਕੂਲ ਦੇ ਬਾਅਦ ਉਹ ਹੈਡਿੰਗਟਨ ਸਕੂਲ ਚਲੀ ਗਈ।