ਐਲਫ਼ਰੈੱਡ ਹਿਚਕੌਕ

ਸਰ ਐਲਫ਼ਰੈੱਡ ਜੋਜ਼ਫ਼ ਹਿਚਕੌਕ (ਅੰਗਰੇਜ਼ੀ: Sir Alfred Joseph Hitchcock; 13 ਅਗਸਤ 1899 – 29 ਅਪਰੈਲ 1980^[1]) ਇੱਕ ਅੰਗਰੇਜ਼ੀ ਫ਼ਿਲਮ ਨਿਰਦੇਸ਼ਕ ਅਤੇ ਨਿਰਮਾਤਾ ਸੀ। ਇਸਨੂੰ "ਸਸਪੈਂਸ ਦਾ ਉਸਤਾਦ"^[2] ਵੀ ਕਿਹਾ ਜਾਂਦਾ ਹੈ। ਇਸਨੇ ਸਸਪੈਂਸ ਅਤੇ ਮਨੋਵਿਗਿਆਨਿਕ ਫ਼ਿਲਮਾਂ ਵਿੱਚ ਨਵੀਆਂ ਤਕਨੀਕਾਂ ਈਜਾਦ ਕੀਤੀਆਂ। ਬਰਤਾਨਵੀ ਸਿਨੇਮਾ ਵਿੱਚ ਇਸ ਦੀਆਂ ਫ਼ਿਲਮਾਂ ਤੋਂ ਬਾਅਦ ਇਸਨੂੰ ਇੰਗਲੈਂਡ ਦਾ ਸਭ ਤੋਂ ਮਹਾਨ ਫ਼ਿਲਮ ਨਿਰਦੇਸ਼ਕ ਕਿਹਾ ਗਿਆ। 1939 ਵਿੱਚ ਇਹ ਹਾਲੀਵੁੱਡ ਵਿੱਚ ਚਲਾ ਗਿਆ^[3] ਅਤੇ 1955 ਵਿੱਚ ਅਮਰੀਕੀ ਨਾਗਰਿਕ ਬਣਿਆ।

ਸਰ ਐਲਫ਼ਰੈੱਡ ਹਿਚਕੌਕ
ਸਟੂਡੀਓ ਫੋਟੋ ਅੰ. 1955
ਜਨਮ	ਐਲਫ਼ਰੈੱਡ ਜੋਜ਼ਫ਼ ਹਿਚਕੌਕ (1899-08-13)13 ਅਗਸਤ 1899 ਲੇਟਨਸਟੋਨ, ਈਸੈਕਸ, ਇੰਗਲੈਂਡ
ਮੌਤ	29 ਅਪ੍ਰੈਲ 1980(1980-04-29) (ਉਮਰ 80) ਬੈਲ ਏਅਰ, ਕੈਲੀਫੋਰਨੀਆ, ਸੰਯੁਕਤ ਰਾਜ
ਹੋਰ ਨਾਮ	Hitch The Master of Suspense
ਅਲਮਾ ਮਾਤਰ	ਸੈਲੇਸ਼ੀਅਨ ਕਾਲਜ, ਲੰਡਨ ਸੰਤ ਇਗਨੌਸ਼ੀਅਸ ਕਾਲਜ, ਐਨਫ਼ੀਲਡ ਸ਼ਹਿਰ
ਪੇਸ਼ਾ	ਨਿਰਦੇਸ਼ਕ ਨਿਰਮਾਤਾ
ਸਰਗਰਮੀ ਦੇ ਸਾਲ	1921–1976
ਜੀਵਨ ਸਾਥੀ	ਅਲਮਾ ਰੇਵੀਲ (ਵਿਆਹ 1926–1980; ਹਿਚਕੌਕ ਦੀ ਮੌਤ)
ਬੱਚੇ	ਪੈਟ ਹਿਚਕੌਕ

ਮੁੱਢਲਾ ਜੀਵਨ

ਹਿਚਕੌਕ ਦਾ ਜਨਮ ਲੇਟਨਸਟੋਨ, ਲੰਦਨ ਵਿੱਚ ਹੋਇਆ ਜੋ ਉਸ ਸਮੇਂ ਈਸੈਕਸ ਦਾ ਹਿੱਸਾ ਸੀ। ਇਹ ਦੂਜਾ ਮੁੰਡਾ ਸੀ ਅਤੇ ਤਿੰਨ ਬੱਚਿਆਂ ਵਿੱਚੋਂ ਸਭ ਤੋਂ ਛੋਟਾ ਸੀ। ਇਸ ਦਾ ਨਾਂ ਇਸ ਦੇ ਪਿਤਾ ਦੇ ਭਾਈ ਦੇ ਨਾਂ ਉੱਤੇ ਰੱਖਿਆ ਗਿਆ ਅਤੇ ਇਸਨੂੰ ਰੋਮਨ ਕੈਥੋਲਿਕ ਈਸਾਈ ਵਜੋਂ ਵੱਡਾ ਕੀਤਾ ਗਿਆ। ਇਸਨੇ ਸੈਲੇਸ਼ੀਅਨ ਕਾਲਜ, ਲੰਡਨ^[4] ਅਤੇ ਸੰਤ ਇਗਨੌਸ਼ੀਅਸ ਕਾਲਜ, ਐਨਫ਼ੀਲਡ ਸ਼ਹਿਰ^[5][6] ਤੋਂ ਸਿੱਖਿਆ ਪ੍ਰਾਪਤ ਕੀਤੀ। ਇਸ ਦੇ ਮਾਪੇ ਅੱਧੇ ਅੰਗਰੇਜ਼ ਅਤੇ ਅੱਧੇ ਆਈਰਿਸ਼ ਖ਼ਾਨਦਾਨ ਦੇ ਸਨ।^[7][8] ਇਹ ਛੋਟੇ ਹੁੰਦੇ ਜ਼ਿਆਦਾ ਘੁਲਮਦਾ ਮਿਲਦਾ ਨਹੀਂ ਸੀ ਅਤੇ ਇਸ ਪਿੱਛੇ ਇੱਕ ਕਾਰਨ ਇਸ ਦਾ ਮੋਟੇ ਹੋਣਾ ਸੀ।^[9]