ਕਰਨਲ ਨਰਿੰਦਰਪਾਲ ਸਿੰਘ

ਕਰਨਲ ਨਰਿੰਦਰਪਾਲ ਸਿੰਘ (ਜਨਮ 1922/23 -) ਪੰਜਾਬੀ ਦਾ ਨਾਵਲਕਾਰ, ਲੇਖਕ ਅਤੇ ਪੱਤਰਕਾਰ ਹੈ। ਉਸਨੇ 1976 ਵਿੱਚ ਬਾ ਮੁਲਾਹਜ਼ਾ ਹੋਸ਼ਿਆਰ ਦੇ ਲਈ ਸਾਹਿਤ ਅਕਾਦਮੀ ਪੁਰਸਕਾਰ ਹਾਸਲ ਕੀਤਾ ਸੀ।^[1] ਉਸਨੇ ਹੁਣ ਤੱਕ 60 ਤੋਂ ਵੱਧ ਕਿਤਾਬਾਂ ਲਿਖੀਆਂ ਹਨ।^[2]

ਜੀਵਨੀ

ਨਰਿੰਦਰਪਾਲ ਸਿੰਘ ਦਾ ਜਨਮ ਬਰਤਾਨਵੀ ਪੰਜਾਬ (ਹੁਣ ਪਾਕਿਸਤਾਨ), ਜ਼ਿਲ੍ਹਾ ਲਾਇਲਪੁਰ ਵਿੱਚ 1922/23 ਨੂੰ ਕਾਮਾ ਬੰਗਲਾ ਵਿਖੇ ਹੋਇਆ ਸੀ। ਉਹ ਰੱਖਿਆ ਸੇਵਾਵਾਂ ਵਿੱਚ 1942 ਚ ਕਮਿਸ਼ਨ ਅਫਸਰ ਭਰਤੀ ਹੋਇਆ ਸੀ ਅਤੇ ਦੂਜੇ ਵਿਸ਼ਵ ਯੁੱਧ ਦੌਰਾਨ ਉਸਨੇ ਪੱਛਮੀ ਏਸ਼ੀਆ ਵਿੱਚ ਸੇਵਾ ਕੀਤੀ ਸੀ। ਉਹ 1972 ਵਿੱਚ ਬ੍ਰਿਗੇਡੀਅਰ ਦੇ ਤੌਰ 'ਤੇ ਸੇਵਾ ਮੁਕਤ ਹੋਇਆ। ਉਸ ਨੇ 1962-66 ਦੇ ਦੌਰਾਨ ਭਾਰਤ ਦੇ ਰਾਸ਼ਟਰਪਤੀ ਦੇ ਮਿਲਟਰੀ ਸਕੱਤਰ ਦੇ ਤੌਰ 'ਤੇ ਸੇਵਾ ਕੀਤੀ। ਨਰਿੰਦਰਪਾਲ ਸਿੰਘ ਭਾਈ ਵੀਰ ਸਿੰਘ ਦੇ ਬਾਅਦ ਸਿੱਖ ਇਤਿਹਾਸ ਦਾ ਨਾਵਲੀ ਚਿਤਰਣ ਕਰਨ ਲਈ ਮਸ਼ਹੂਰ ਹੈ।

ਨਾਵਲ

• ਮਲਾਹ 1948
• ਸ਼ਕਤੀ
• ਤ੍ਰਿਆ ਜਾਲ
• ਅਮਨ ਦੇ ਰਾਹ
• ਇਕ ਰਾਹ, ਇੱਕ ਪੜਾ
• ਸੈਨਾਪਤੀ
• ਉਨਤਾਲੀ ਵਰ੍ਹੇ
• ਖੰਨਿਓ ਤਿੱਖੀ
• ਵਾਲੋਂ ਨਿੱਕੀ
• ਏਤਿ ਮਾਰਗ ਜਾਣਾ
• ਟਾਪੂ
• ਬਾ ਮੁਲਾਹਜ਼ਾ ਹੋਸ਼ਿਆਰ (1975)